هیزی جە پەنجەمین دادگاو تاوانە قورسەکا ئامەدینە، ئەرەنیشتەو دادگاو سۆفیا ئالاگاشێ، هامسەرۆکو شارەوانی لواڕاوە، دادگا بە بەهانێ "ئەندام بییەی جە ڕێکوزتەی" سزاو شش ساڵا و یەرێ مانگا زینایش سەرورە سەپنا، دماو ئەرەیاوناو سزێکێ، پۆلیس هورشکوا سەرو شارەوانییەکا و تەوقش دا، دامتەر بە هامسەرۆکو شارەوانییەکەیشا ئەرەیاونا کە قەیوومیاگێشەنە نریانەرە.

چنی هەوڵو نیارەو قەیومی هامڵاتیێ دەروو شارەوانییەکەیرە گلێرێ بیێ بە چەپڵەدایوەنە و درووشمو شەرمەزارکەردەی قەیومی "قەیوم سەپناین" هەڵوێس و ڕاگیریشا نیشانەدا.

پەڕلەمانتارو سێرتی دەم پارتی سەباحەت ئەردۆگان سارتاش یاوا وەڵێ شارەوانی سێرتی و جە دژو قەرارەکەی مرداوە و ئاماژەش پانەیەدا سەپناو قەیومی هرووژما پەی سەرو ئیرادەو گەلی، یاگێ قەبوڵ کەردەی نییا.

چنی جەماوەرو گەلی، هامسەرۆکو سێرتی دەم پارتی ئەشرەف تەکین جە دژو سەپناو قەیومی مردێوە و واتش: "دان بە سەپناو قەیومی جە دژو ئیرادەو گەلی مەنیەیمێ. ئینەی دەسەڵاتداری مکەرۆش تۆڵەکەردەیۆن شکستشانە جە ئیرادەو گەلی."

هرووژمو پۆلیسی                                       

چنی وەرفراوان بییەو هەڵوێسو گەلی پۆلیسێ کە تەوقەو باڵەخانەو شارەوانیشاڤدابێ هرووژمشا کەرد سەرو گەلی و جەنگ دلێشانە وەشبی. ڕوەبەرو هەدەپەی سێرت محمەد پۆلات و کارمەندو شارەوانی سێرت فەرهاد تۆپراکی دەسبەسەر کەرد. دماتەر ناڕەزایەتییەکێ بە واتەیۆ درووشمەکا بەردەوام بێ.

لاو وێشاوە هامسەرۆکەو گرڏی دەم پارتی تولای حاتەم ئۆغللارە و تونجەر باقڕخان سەرو میدیاو دیجیتاڵو وێشا بە پەیام ناڕەزایەتیشا جە دژو سەپناو قەیومی بەربڕی.