"رژێمو ئیسلامی ئێرانی کەوێش تووشو تەرسێ و هێستریاو شۆڕشو ژەنێ، ژیوای، ئازادی بیەن و یاوو ئا شۆڕشەیە وەرش نەڎان و زامەکێش ڕۆ دماو ڕۆی کولیاوە، گەرەکشا هەر مژارێوە و پەرسێوە دیموكراتیكی گلێرکەی بەنەوەشی شبهنۆ و رژێمەكەیچش بە نەوەشی و دوكتۆری".
بێگومان هەر نەوەشیێ دەرمانێش هەن و جە ماوێ دیاری کریانە چارەسەر مکریۆ، بەڵام نەوەشی سیستەمی، نەوەشیێ پارادیگمایی و هزرییا و بە ماناو بێ چارەیی و بە بنبەس یاوای مێ. ئا نەوەشیەو رژێمو ئیسلامی ئێرانیچ تەنیا سەرو پەرس و كێشە دلێینەکا نییا كە بێچارە مەنەنۆ، بەڵكم جە فرەو بابەتە سیاسی و ئابوری و پەیوەندی و دیبلۆماسی و فكریەكایچەنە نەوەشاو و بێ چارە مەنەنەرە. ئیتر نەوەشییەکەو رژێمو ئیسلامی ئێرانی یاوان دۆخێ پێسەو دومەڵێ پیسیش پنە ئامان كە مشۆم ڕێخەنە هۆرشکەنی و فڕەش دەی. چنی ئانەی كە گردو رژێمی گیرۆدەو ئا نەوەشییە پیسەیە بییەن كەچی پاسە مزانۆ کە تاكەکێ گلێرگەو ئێرانینێ كە نەوەشێنێ و ئاڎ وێش کەردەن بە دكتۆر و دەرمان پەی هەر جووڵێوە گەلا دلۍ ئێرانی نۆرینگە و مېیانو چارەسەری ئەرەمەرزنۆرە و دەرمانشا مڎۆ پنە. ئا نەک تەنیا جەپەرسە كۆمەڵایەتی و چاندی و ئابوری و هزریەكانە، بەڵكوم بەهەمانشێوە پەرسە سیاسیەكایچەنە نزیكبیێوە پاسە نیشانەمڎۆ كە گوایا گرد كەسێ و لایەنێ نەوەشێنێ و تەنیا رژێمەكەو ئاڎین كە نەوەش نییا و ئینا سەرو پەیاوە. نمونەی هەرە وەرچەم ئا دەرمانەی جەبوارو دروشمو هزرییۆ پەشتیش پنە بینان و تا ماوێوە درێژ وێش پۊرە هۆرواستەبێ كە گوایا رژێمە ئیسلامیەكەو ویلایەتو فەقێ رژێمێن كە نە شەرقییا و نەغەربیی"نەوەرنیشتیا و نە وەرکەوتی" و بەینو هەردووە جەمسەرەكەینە گەمە و تەراتێن کەرێ، ئارۆ پی جۆرە بلۆ رژێم جەهەردووی جەمسەرەنە مشۆم و رەنگە هاوشێوەو ئیمپراتۆریەتەكەو عوسمانی و سەردەمو جەنگو جیهانی یوەمی كە بەپیا نەوەسەکە ناوبانگیش بەرکەردەبێ، رژێمو ئێرانیش جەئیسەنە هامشێوەو پیا نەوەشەکەی و بییەن بە جێگرەوەو ئا پیا نەوەشەیە کە وەرکەوتە ناوینە، ئەگەر بەپەلەش نەیاو بە نەوەشییەکەیشەرە رەنگە جە ماوێوە فرە كەمەنە ئا نەوەشیە یاو بەگردو جەسەیش و ئیر كاتش پەی دەرمانكەردەی مەمەنۆ.
بەدرێژایی تەمەنیش رژێمو ئیسلامی ئێرانی، هەر تاكێ وەرانوەرو سیاسەتی و كردەوە نامرۆڤی و نائەخلاقی و نا دیموكراتیەكا رژێمی مردابۆوە، بەسیناریۆیێوە جیاواز و بەتاشای دۆسیێوە ئەمنی، ئاسایشی، ئیستخباراتی هەوڵو تیرۆریزەكەردەی دان بەتایبەتی ئەگەر ئا تاكە جەپێکهاتێ جیاواز پێکئاما بۆ فەرمی رژێم بۆ. هەرگروپێ پارتەکەی كە داواو مافو نەتەوەیی و ئەتنیكی و چاند و ئاینی و مەزهەبی کەردەبۆ بەهەمانشێوە بەداردەسو هێزە دەرەكییەكا، لادەر و جیاخواز بەنامێشا کەردەن و بەئاگر و ئاسن، وزەی و ئابوری و دەوڵەمەندو وڵاتی پەی سەركوتكەردەو ئا هێزێ و لایەن و پارتا خەرج کەردە و بەپڕوپاگەندی پڕوپووچێ هەوڵشدان وێش بەمافدار و مەزڵووم و وەرانوەرەکەیچش بە ناحەق و زاڵم نیشان دریان. ئی ئامرازە سیاسییە کە وەرانوەر بە گەلو كوردی جەوەرکەوتو كوردستانی و ئێران بەشێوێوە جەنگی تایبەت و سیستەماتیكی بەکارئاردەن و تا ئاستێ ئەنجامیش ورگێرتەن.
جەڕووەو هزرییۆ گردو هەوڵو وێش دان تاكەکا و زیهنیەتو گلێرکەی چەنی دنیاو بەری بڕۆنە و بەدەر جەوانایۆو ئایدیۆلۆژیای ئیسلامی ئێران ویلایەتو فەقێ دەستو حیچ پێكهاتە و تاكێ گلێرکەو ئێرانی نەکەرۆ بە بیروهزرێوە جیاواز ی و دلێ بازنەو فكرینە ـ فەلسەفو وێشەنە تلنۆشۆ و تا ئا ئاستەیە گێژ و مات و مەلوول و بێ باوەڕ و بێ ئیرادە بەوێشو و دەوروبەری و شوناسەكەیس کەرۆ. ئەم تاكە تا ئاستێك بە وڕناو تاكەكەسی یاونان كە نە باوەڕس بەئیرادەو وێش هەن و نە دەوروبەر، بڕیان جەشوناس و هێز و ورە و وزە و مۆڕاڵی. كاتێ تاكێكێ دلی ئی گلێرکەینە سەرهۆربڕۆ، پێسەو تاكێ نەوەشی و رەوان نامێش بەرۆ و هەوڵمرۆ با ڕی وەردەمو ووشاربیەیۆ و هۆشو ئازادی تاكەكا بۆنە. بەڵام ئیر سەردەمێنە ژیومی كە تەكنەلۆجیا ئا بەربەستی و تەگەرا رژێمیش بێ كاریگەر ئاستێنێ و ئیتر ئا رێباز و رێكارە چەواشەكارا رژێمی سوودێش نەمەنەن و گێرە پێسەو سیحری جادوگەری بەتاڵ بییەنۆ .
کاتو سەرهۆردای ئەتنیكی و نەتەوەیی و جەماوەرییەكانە، فرە پەرەش بی رێبازە هۆرخەڵەتنایە دا. ئینەیچش وەرانوەر بەژەنا دلی گلێرکەی زیاتەر جەهەرکەس و چین و پێكهاتێ كۆمەڵایەتی بەکارئاردە و پەشتیش پەنە بەستەن. کاتو سەرهۆردای شۆڕشو ژەنی، ژیوای، ئازادی رژێم ئا ژەنا دەستبەسەر کەرێ یا ن بەشێوێوە جەشێوەكان دلێشا بەرێ و کوژێشا، هەوڵدێ بنەیانەکاشا رازی کەرۆ كە دان پانەیرە بنیا كە زاڕۆڵەکەشا نەوەشیش بییەن و بەمەڵامەتو نەوەشییەکەی لوان سەرو جادەی و كۆڵانەكا جەدژو رژێمی مردانۆ.
ئی رێباز و چەكەش پەی دەیان چالاكا ژەنۍ و کۆششکارۍ سەرهۆداو شۆڕشو ژەنی، ژیوای، ئازادی جە ژینا ئەمنیێوە گیرە، تا ئاهوو دەریاییە بەكارش ئارد. تەنانەت گەرەکش بێ تابلۆیۍ چانە نەخشنۆ كە گوایا ئاهوو دەریاییە كە زانكۆنە ئەوەکۆڵیا زانستیەكانە وەرا وەر فشارو هێزە ئەمنیەكانە جلەكێش وەرەرە وژیێبێنۍ، كەسایەتیێوە نەوەشە بیێنە و هەوڵشدا ئەپاسە پێناسەش بکەرۆ كە ئا كناچە خۆنكارێ وەرو زەختی و فشاری وانای و تێکشییەی دۆخو سایكۆلۆجیۆ هورئێستێنە پا كارو چالاكییەیە. وەرو ئانەیچ دەمودەس و دماو ئانەی جەلایەنو هێزە سەركوتكارەكاو رژێمیۆ قۆڵ بەسە کریا جەئەرەیاونای و كەناڵە پڕوپاگەنڎ کەرەکا وێشاوە وەڵاشا کەردۆ كە گوایا ئاهوو دەریاییە فاڕێنەشاوە پەی خەسەخانەی دەروونی و گەرەکشا بۍ پێسەو نەوەشێ دەرونیۍ بەگلێرکەو ئێرانی و بەری بشناسانەش. جەکاتێنە ئاهو دەریاییە خۆنكارەو بەشو ئەوەکۆڵیا زانستیەکا بێ و گرڎ کەسیچ بەئاسانی مزانۆنە كەسێوە كە نەوەشی دەروونیش بۆنە نمەتاوۆ زانکۆیۍ چامنەنە وانۆنە. بەهەمانشێوە وەرانوەرو با ژەنا جەدژو حیجابی فرە ملێ مرداوە، یاسای عیفاف و حیجابشا جەپەرلەمانو پیا رژێمە نەوەسە ئیسلامیەكەو ئێرانی بەرشنی و ئیسەیچ باس جانریە کریۆ كە گوایا نۆرینگە پەی ئا كەسا منیارە كە دژو حیجابی فرە ملێوە مرداوە. یەعنی گەرەکشا حیجاب بە زۆرە ملێ بۆ،
رەنگە پەی چارەسەرو نەوەشیێ جەسەیی مرۆڤ سەردای دوكتۆر و نۆرینگە تەندروسیەكا بکەرۆ و ئانەیچ بابەتێ ئاسایی و گێرە پەنەوازیچا، بەڵام كاتێ سەرو نەوەشی سیستەمی و رژێمێ دومێنە ئا چارەسەریەكە ئینادەسو مرۆڤی وێشۆ و ئا گلێرکەینە كە گیرۆدەو ئا نەوەشییە ئامان. یەعنی نمەبۆ پەی چارەسەرو نەوەشی سیستەمێ و رژێمێ و پارتێ و گروپێ جبەرۆ گێڵمێ و مشۆم تەنیا پەشتی بەهێزو جەوهەری و ئیرادەو چارەسەری وێش بینۆنە. بەڕێبازو وێڕێکوستەی، هێقم کەردەی ریزەكا پێكئاما كۆمەڵایەتی و چاندی و وەرفراوانكەردەی روانگەو هزری و فەلسەفی مرۆڤی و تاكی و گلێرکەین متاۆنە نەوەشی سیستەمی بەرەو لێوارو ئارامی و چارەسەری بەرۆنە و ئاسۆو چارەسەری و دەرمانی نیشانە بڎریۆ.
