سۆهر: جە ماوەو ٢٤ سەعاتانە ٨ کەسۍ کوشیێنۍ
ڕوانگەو سوری پەی مافەکا مرۆڤی (سۆهر) ئەرەیاۋناش بە مەڵامەتوو ڕووەدایۍ جیاجیێوە جە ماوەو ٢٤ سەعاتانە ٨ کەسۍ کوشیێنۍ.
سۆهر ئامارەو ڕووەدایەکا ٢٤ سەعاتی ۋېیەردەو ناوچە جیاوازەکا سووریایش وەڵا کەرڎۆ و ئاماژەش پانەی دا جە ماوەو شەو و ڕوێنە بە مەڵامەتوو ڕووەدایۍ جیاجیێوە کوشیێنۍ. بە پاو گوزارشتەکۍ فرەو ڕووەدایەکا جە ناوچەکا چېرو دەسەڵاتو دیمەشقینە ڕووەشا دان و مەڵامەتو کوشتەکەیچشا چەکڎارۍ سەر بە دەسەڵاتو دیمەشقی بیەن.
ڕووەدایەکۍ پی جۆرەنۍ:
"جە دەگاو زەفرانی ۋەرنیشتوو حومسی چن چەکڎارێوە نەشناسۍ کەسێوە ۋەر بەرەکەو ۋێشانە کوشا.
جە ناوچەو تەلی دەگانشینینە زاڕۆڵێوە بە مەڵامەتو ڕووەدێوە کۆمەڵایەتیی گیانش جە دەسدان.
هەرپاسە جە دەگاو قونەتیریاو ناوچە و خان عەرنەبینە شوانێ بە پاشماوەو مین و تەقەمەنی جەنگی گیانش جە دەسدان.
جە هەرێمو ئەشرەفیەو سەحنایەو پانیشتوو وەرکەرتوو دیمەشقینە دووێ چەکدارێ خۆجێیی جە ئەنجامو هرووژمی چەکدارا دەسەڵاتو دیمەشقینە کوشیێ.
هەرپاسە تەرمو سایەقێوە تەکسی جە خەسەخانە و مواسەتەینە ئیزیاوە دماو ئانەی جە کۆڵانە و وەردی دیمەشقینە بڕفانیا.
جە دەگاو خربە باسلحاو شارو شێراواو عەفرینیچ کەسێ بە مەڵەمەتو ئەوەتەقایۆ ئەلغامیۆ گیانش جە دەسدان.
جە ناوچەو جەبیباتو شارو جەبلی جە هرووژمێ چەکدارینە چن چەکدارێوە نەشناسێ هاموڵاتیێشا کوشت."
