سەبای شارو سلێمانینە مەراسیمو یاڎکەردەیۆ پەی کادرا سەرمەشقۍ پەکەکەی عەلی حەیدەر قەیتانی و ڕەزا ئاڵتوونی ملۊڕاوە، ڕێکوزا مەراسیمەکەی بانگەواز جە گرڎ لایۍ مکەرا: "ئامایتا وەفاڎارییا پەی ۋنەو گەشمەرڎا".
جە کۆنگرەو دوانزەهەمینو پەکەکەینە گەشمەرڎەبیەو هەردووە کادری سەرمەشقی عەلی حەیدەر قەیتانی (فوئاد) و ڕەزا ئاڵتوونی ئەرەیاۋېیا، پی بۆنۆ جە شارەکا کوردەسانی و تورکیا و جەهانەنە، مەراسیمو یاڎکەردەیۆ ئەنجام مڎریۆ.
قەرارا سەبای ڕۊو یەرەشەممەی سەعات ٤و وێرەگای، جە تەلارەو تەوارینە جە شارو سلێمانی پانیشتوو کوردەسانینە، پەی بەرز ڕاگێرتەی یاڎو کادرا سەرمەشقۍ پەکەکەی عەلی حەیدەر قەیتانی و ڕەزا ئاڵتوونی مەراسیمێوە شکۆدار بلۊڕاوە.
ڕێکوزا مەراسیمەکەی بانگەواز جە گرڎ لایۍ مکەرا بەشداری مەراسیمەکەی بکەرا و ماچا: "ئامایتا وەفاڎارییا پەی ۋنەو گەشمەرڎا".
