بەمەبەسو بەشداری جە گلېرۆبیەو 'ئازادی'نە کە بە مەرامو مسۆگەرکەردەی ئازادیی جەسەیی رابەرو گەلوو کوردی عەبدوڵا ئۆجالانی و چارەسەری دیموکراتیکی پەرسو کوردی ئامەدەنە ساز مکریۆ، فرەو شاراوە گەل کۆتێنۍ ڕا، پۆلیسیچ بە شێوێوە سیستماتیک ئاستەنگیشا پەی ساز مکەرۆ.
ئارۆ ئامەدەنە بە داواکەردەی ئازادیی جەسەیی رابەرو گەلوو کوردی عەبدوڵا ئۆجالانی، هۆرگېرتەی گۆشەگیری و چارەسەرکەردەی پرسو کوردی بە ڕاو دیموکراتیکی، جە ئامەدەنە "گلێرۆبیەی ئازادی" ئەنجام مڎریۆ.
هاموڵاتیا جە شارە جیاجیاکاوە ڕووە مکەرانە ئامەد و بەشداری جە گلېرۆبیەکەینە مکەرا، بەڵام جە چڼین شارێوە جە لایەنو پۆلیسیوە ڕاگیری جە بەشداربیەو هاموڵاتیا مکریۆ.
چا چوارچێوەیچەنە جە شارەکا شڕنەخ، دێرسیم، رحا، وانی و دیلۆکیوە ژمارێوە فرە پەی بەشداری جە گلېرۆبیەکەو ئامەدینە کۆتێنۍ ڕا، بەڵام بە شێوێوە سیستماتیک جە لایەنو پۆلیسیوە ئاستەنگیشا پەی ساز مکریۆ، سەرەڕاو ئانەیچ بە پاگیریۆ چالاکوانا هەوڵو ۋۍ دەربازکەردەی مڎا پەی ئانەی جە گلېرۆبیەکەنە بەشدارۍ با و بەشێوەیچشا تاوانشا ۋێشا بیاۋنا بە شارەکەی.
