هرووژمەکۍ دۊڵەتو ئەرەگیرو تورکی و چەتەکاش پەی سەرو بەنداوو تشرینی ٣٧ ڕوێن بەردەواما. جەنگەوانا یەپەگەی و یەپەژەی و قەسەدەی هرووژمۍ ئەرەگیرا ماڕانە. جەنگەوانا یەپەژەی جە بارەو ئی مڎرامانە تاریخیەیۆ پەی ئاژانسەکەیما قسێشا کەردۍ.

چەتەکۍ بڕەما

جەنگەوانێوە کوردەو یەپەژەی بە نامۍ بەرخۆدان قامیشلۆی، واتش: " هرووژمەکۍ دۊڵەتو ئەرەگیرو تورکی جە چن ڕۊی ۋېیەردەنە ئانڼەی تەر تنتەرۍ بیێنۍ. بە فڕۆکەی جەنگی و فڕۆکەی سیخوڕی و چەکی قورس هرووژم مکەرا. سەرەڕاو تازەتەرین تەکنیکەکاشا، هرووژمە سەختەکۍ مەڕیۍ. مڎرامانێوە تاریخی جە دژو ئی هرووژما ملۊڕاوە. دۊڵەتو ئەرەگیرو تورکی و چەتەکێش کوشیۍ و زامڎارۍ فرێشا بیێنۍ. ئاڎۍ وەرگەو مڎرامانو ئێمەشا نەگېرت و بڕەمۍ، ئامێرە سەروازییەکێشا جیا ئاستۍ و بڕەمۍ".

بانگەواز پەی گۊرەکەردەو مڎرامانی

بەرخۆدان قامیشلۆ ئەرەیاۋناش ئامای گەلی پەی بەنداوەکەی هێزی مەعنەویش بە جەنگەوانا بەخشا، واتش: "هێزو ۋێما جە گەلەکەیماوە هۊرگێرمۍ. گەل جە چوارچێوەو جەنگو گەلی شۆڕشگێڵنینە ۋێشا ڕێکوست. ئامای گەلی پەی بەنداوو تشرینی مۆڕاڵێوە گۊرە بۍ پەی جەنگەوانا. ئینە جەوهەرو جەنگو گەلی شۆڕشگێڵنین. گەل جە ڕاو مڎرامانیوە خاوەنداریش جە خاکەکەیش کەرد. پەنەوازا هەریۊ جە ئێمە بە گرڎو هێزیماوە بەشداری مڎرامانی بکەرمۍ".

پاگیرینمۍ سەرو ئەوەکۊشای

جەنگەوانەی عەرەبەو یەپەژەی، شیراز نیزالە، ئەرەیاۋناش سەرەڕاو کەمی دەرفەتی، دۊڵەتو ئەرەگیرو تورکی نمەتاوۆ ئیرادەما بماڕۆ، واتش: "سەرەڕاو هرووژمە ئاسمانی و زەمینییەکا، جە گرڎو هروووزمەکا پەشیمانۍ مکریاوە و گێڵاوە. مڎرامان و ئیرادەما جە تەکنیکو ئاڎیشا بەهێزتەرا. بە فڕۆکەی جەنگی و فڕۆکەی سیخوڕی و چەکی قورس دەرەقەتو ئیرادەو ئێمە نمەیا. بەردەوامۆ بیمۍ سەرو مڎرامانی و سازش نمەکەرمۍ".

پەنەوازا گەل پەشتیوانیێوە بەهێز بکەرۆ

شیراز نیزالە ئەرەیاۋناش ئامای گەلی پەی بەنداوو تشرینی مڎرامانی بەهێزتەر مکەرۆ و مۆراڵی زیاتەر بە جەنگەوانا بەخشۊنە، واتش: "ئێمە ڕۆڵۍ ئی گەلەینمۍ. مڎرامانو گەلا دیسان نیشانەش دا کە ڕۆڵۍ گەلێوە بەهێزینمۍ. پۊکەی دژمن نمەتاوۆ ئیرادەما ماڕۊنە و ئێمە بە جەنگ مڎرامان مکەرمۍ".

شیراز بانگەوازش جە گەلا سەرنیشت و ۋەرکۊتوو سوریای کەرد، پەشتیوانی بەهێزتەر بکەرا.