پەرلەمانتارێوە کورڎ، ژمارێوە بەڵگۍ بەکارئاورڎەی چەکی کیمیاوی جە لاو دەوڵەتوو تورکیوە وەڵۍ کەرڎێوە و ئاشکرایچش کەرۊ سەرۊکوەزیرانوو عێراقی داوای چەنەکۊڵیایۊ و شۊنیرەلوای جە وەزارەتوو جبەروو عێراقی کەرۊ.
سۊران عومەر، ئەنداموو پەرلەمانوو عێراقی ژمارەێوە بەڵگەنامێش سەروو بەکارئاورڎەی چەکی کیمیاوی جە لاو دەوڵەتوو ئەرەگیروو تورکیوە جە خاکوو هەرێموو کورڎستانینە وەڵۍ کەرڎێوە.
ئا پەرلەمانتارە چا بەڵگانە کە وەڵێش کەرڎێنۍ ئاماژەش بە سەردای دووۍ پسپۊڕاو چەکی کیمیاوی پەی هەرێموو کورڎستانی کەرڎە، کە هەوڵێشا دێنۍ چەنەکۊڵیایۊ جە بەکارئاورڎەی ئا چەکا کەرا، بەڵام جە لاو پەدەکە-یۊ ڕاشا وەنە گیرییێنە.
بە پاو بەڵگەکا "سۊران عومەر" ڕۊشنیچش کەرڎەنۊ، کە دەوڵەتوو تورکی چەنی چەکی کیمیاویش جە دژوو گەریلاکانە بەکار ئارڎەن و دووۍ مانگ وەڵۍ ئیسەیچنە بە نویسیای ڕسمی داواش جلە سەرۊکوەزیرانوو عێراقی کەرڎێنە لوجنێوە پەی شۊنیرەلوای ئا بابەتی دروست کەرۊ.
سۊران عومەر بەریچش وست: سەروو بەکارئارڎەی چەکی کیمیاوی جە هەرێموو کورڎستانینە، جە لاو تورکیایۊ و پێشکەشکەرڎەی ڕاپۊرتەو دووۍ پسپۊڕە ئەڵمانی و سویسرییا چا بارۊ، سەرۊکوەزیرانوو عێراقی داواو چەنەکۊڵیایۊ و شۊنیرەلوای جە وەزارەتوو جبەروو عێراقی کەرۊ.
