سەرنیشتوو کورڎسانی جارێوە تەر بوومەلەرزەی دا وەنە
بوومەلەرزێوە بە گوڕوو پەنج پلا بە پیمەروو ڕێکختەری، پارێزگاو مەڕەشوو سەرنیشتوو کورڎستانیش لەرناوە.
سەعات ٥:٥٣ دەیەقۍ سەرسەعبوو ئارۊی، بوومەلەرزێوە بە گوڕوو پەنج پلا بە پیمەروو ڕێکختەری پارێزگاو مەرەشوو سەرنیشتوو کورڎسانیش لەرناوە .
بە پاو ئەرەیاونایە ڕسمییەکا، چەقوو بوومەلەرزەکەی دەگاو دۊنگەڵی بیێنە و قووڵاییەکەش چوار کیلۊمەترۍ چێروو زەمینیوە بییەن، تا ئیسەیچ زەرەرە گیانى و ماددییەکاو ئا بوومەلەرزەیە ئاشکرۍ نەکریێنۍ.
سەرسەعبوو ڕۊو ٦وو مانگۍ ویەرڎۍ چند بوومەلەرزێوە، كە بەقووەتتەرینشا ٧.٨ پلۍ بە پیمەروو ڕێکختەری بۍ، بەشێوە جە مەنتێقەکاو سەرنیشتوو كورڎسانی، توركیا، وەرنیشتوو كورڎسانی و سووریاشا لەرنێوە و تا ئیسەیچ ژمارەو قوربانییەکا جە سەرنیشتوو کورڎسانی و تورکیانە ئینۍ بەرزبییەیۊنە.
س.ز
