تەڤگەرو ژەنا ئازادی (تەژەئا) جە ئامەدەنە نەورۆزش پیرۆز کەرد. هامسەرۆکاو شارەوانی ناوچەکا، پەرلەمانتاراو دەم پارتی، نوێنەراو پارت و ڕێکوزیاکا و سەڎان کەسۍ بەشدارۍ بێنۍ.

جەماوەر پەی ماوۍ فرەی دەمو دەهۆڵی و زوڕنایۆ هۊرپڕایشا کەرڎ، دماتەر شۊڵەچراویشا گیسنانە و گۆرانیێشا واتۍ. دماتەر بە هۊرگێرتەی شۊڵەچراوۍ لوۍ سەرو شووراکا و هوتافۍ "نەورۆز پیرۆز بۆ" و "بێ سەرۆکی ژیۋای نمەبۆ" و "پەکەکە گەلا، گەل ئینا چۍ" و "بژیۋۆ سەرۆک ئاپۆ"یشا بەرزۍ کەردێوە. ژەنی سەرو شووراکاوە هەلهەلە و هوتافەو "ژەنی ژیۋای ئازادی"یشا بەرزکەردۆ. جەماوەر پەی ماوێوە فرەی سەرو شووراکاوە هوتافێشا بەرزۍ کەردێوە و گۆرانیێشا واتۍ.

جەماوەر بە هەمان جۆش و خرۆشۆ سەرو شووراکاوە وەستێرە و پەی ماوێوە فرەی هۊرپڕایشا کەرد.

"ئێمە پەی ئاشتی ئینایمۍ چۍ"

بە نامۍ تەژەئایۆ هاجەر ئۆزدەمیرە ئەرەیاۋناش نەورۆزو ئێساڵی جیاوازا چونکی پەیامە تاریخی و گرنگەکەو ڕابەر ئاپۆی پەی ژەنا و گەلا و جەهانی بۍ، واتش: "ئېژا ئۆجالان ماچۆ، "مشۊم کۆمکوژی ژەنا و گلېرگەی مردۆنە، گلېرگێوە دیموکراتیک ئەرەمەرزیۆ". ماچۆ "پەی ئینەی چێش پەنەواز بۆ مکەروش و من ئینانی چۍ و ئی هەرمانۍ مکەرو". پەنەوازا عال چی پەیامیە بیاومێنە و خاوەنداریش ۋنە بکەرمۍ. ئێمەیچ پەی ژیۋایۍ شکۆمەندی و ئاشتی ئینایمۍ چۍ".

"ئی نەورۆزە بۆ بە نەورۆزو ئازادیی ئۆجالانی"

پەرلەمانتارەو دەم پارتی نەورۆز ئویساڵە نەورۆزش پیرۆز کەرڎ، واتش: "ئا شۊڵە چراوۍ گیسنامانە مېیاوۆ ۋەرنیشت. مېیاوۆ بە پەخشان عەزیزیۍ. نەورۆز جە ژەنا کوردی و گرڎو ژەنا پیرۆز بۆ. نەورۆز جە ئێژا ئۆجالانی پیرۆز بۆ. نەورۆز هێماو مڎرامانیا. پەیامو ئێژا ئۆجالانی ئی نەورۆزیە ماناڎارتەر مکەرۆ. ئی نەورۆزە بۆ بە نەورۆزو ئازاڎکەردەی ئېژا ئۆجالانی. بە جە ئامېزگێرتەی پەیامەکەی، ئی نەورۆزیە مکەرمۍ بە نەورۆزو ئازاڎیی".

مەراسیمەکە بە هۊرپڕای دمایش ئاما.