چالاکییەکە بە بەشداری ژمارێوە جە کوردا و دۊساشا جە مېیانو گلېرگەو کوردی دیموکراتیکی ستراسبۆرگی بە سەرمەشقایەتی جەمەو ژەنا زینی ئەنجام دریا و ئەندامۊو تەڤگەرو ژەنا کوردی جە ئۊروپانە (تەژەکە-ئە) سونگوڵ ئۆرجانیەی پانیلیستە بە درێژی سەرو مژارەکەی قسێش کەردۍ.

چالاکییەکە دما دەیەقێوە ڕێز ۋنەنیای جە گەشمەرڎا ڕاو ڕزگاری دەسشپنەکەرڎ، دماتەر پانیڵیست سونگوڵ ئۆمورجانە دەسش بە قسەکاش کەرڎ و پەیامو ٨ـو ئادارو ڕابەر ئاپۆیش هۊرسەنگنا.

ئۆمورجانە ئاماژەش پانەی دا گرڎ سەرنجۍ ڕابەر ئاپۆی ئینا ئاستو مانیفیستۆیێنە و واتش: "ڕابەر ئاپۆ جارێوەتەر ڕۊشنش کەرڎۆ جە جەهانەنە تا دمایی بە کۆیلایەتی سەرو ژەنا نێنە، حەجگیز ئازادی نمۍ دی." ئۆمورجانە ئاماژەش پانەیچ دا کە ئی پایەمەو ڕابەر ئاپۆی بە دڵنیایوە ئەوەکۊشای ژەنا بەهێز و کاریگەرتەر مکەرۆ و واتش: "بانگەوازو ئاشتی و گلېرگەو دیموکراتیکی ڕابەر ئاپۆی، سەرەڕاو چارەسەرییی پرسەکا گلێرگەی، بەتایبەت پەی ژەنا ئەوەگێڵایۍ چارەسەرییا."

جە بەردەوامینە ئۆمورجانە ئاماژەش پانەی دا ئەر دۊڵەتو تورکی بە جدیەتۆ جە هەنگامەکۍ بۍ وەڵۍ ئانە پەی گرڎو گلېرگەی مەبۆ بە مەڵامەتوو بنیاڎنیای ئاشتەوایی کۆمەڵایەتی و ئینەش وات: "ویستو گەلوو کوردی ژیۋاین بە مافە بنەڕەتییەکاشۆ. ئەر بە درووسی ئی پرۆسە بلۊڕاوە، ئانە مکریۆ بۆ بە مەڵامەتوو ئاشتی هەمیشەیی." ئۆمورجانە داواش جە گرڎ لێوە کەرڎ خاوەنداری و پەشتیوانۍ ئی پرۊسەیە با.

جە بەشو دووەمو پانێڵەکەینە مژارو "زایندپەرسی کۆمەڵایەتی" جە ڕوانگەو دەسوەڵێوستەی زانستی ژنۆلۆژییوە هۊۋسەنگیا