ئێریڤانەنە پایتەختو ئەرمەنستانی ٨و ئاداری ڕۆو جەهانی ژەنا ڕەنجدەرا و زەحمەتکێشا  یانەو کەمەنەتەوەکانە بە زەماوەنێوە موبارەکە کریا. زەماوەنەکێ بە دەقێوە ڕێزگێرتەی پەی یاڏو گەشمەرڏا ئازادی دەسش پنەکەرد. ژەنی بەبەردەوامی دروشمو "ژەنی، ژیوای، ئازادی"یشا بەرزکەردۆ.

 چالاکییەکەنە سەرەتا پەیامەکەو ڕابەر ئاپۆی کە بۆنۆو ٨و ئاداری گیانابێش، ونریاوە. دماتەر ئەندامەو یۆبییەی ژەنا ئازادی سەیانا جەلادە قسێش کەردێ و ٨و ئاداریش جە گرڏو ژەنا تێکۆشەر و ڕەنجدەرا موبارەک کەرد و واتش: "پێسەو ژەنا کوردی بە فەلسەفەو ڕابەر ئاپۆی وێما شناسا و کۆتو کۆیلایەتیما ماڕا. ڕابەر ئاپۆ پەی ئانەی ژەنێوە ئازادە بونیات بنیۆ ئەوەکۆشایێ فرە گۆرەش کەرد و سەرکەوت. حەر پۆکەی پەنەوازا ئێمەچ پەی ئازادی فیزیکی ڕابەر ئاپۆی ئەوەکۆشای وێما فراوانتەر بکەرمێنە."

زەماوەنەکێنە بەرگو دووەمو کتێبو مانیفێستۆی دیموکراتیکو ڕابەر ئاپۆی کە هورگێڵیانپبێ سەرو زوانو ئەرمەنی. شناسریا و کریا دیاری ٨و ئاداری.