دماو پێشئامایەکا سووریای، بە دیاریکریایی جە ٨و کانوونو دووەمیوە هرووژمە ئەرەگیریەکۍ دۊڵەتو تورکی و چەتەکێش بە مەبەسو ئەرەگیرکەردەو بەنداو تشرینی و سردەو قەرەقۆزاقی هرووژمی ۋەرفراوانی ئاسمانی و زەمینی مکەرا.

دژوو ئا هرووژمایچە، بەمەبەسو پارێزنای بەنداوەکەیشا و پاڵپەشتی جە مڎرامانوو جەنگەوانا جە ٨و کانوونو دووەمیوە گەلاو سەرنیشت و ۋەرکۊتوو سووریای بە سەرمەشقایەتی ژەنا و ئەڎایا جە گرڎ چین و توێژەکاوە بەشێوەو نۆبەتی-ئێشکگیری هەرجارە و جە کانتۆنێوە ملا پەی بەنداوو تشرینی.

سەرەڕاو ئانەی گرڎو ئانیشا کە ئینۍ ئێشکگیری مڎرامانینە کەسانۍ مەدەنیێنۍ، بەڵام دۊڵەتو تورکی و چەتەکێش بە گرڎ جۊرۍ هرووژمشا مکەرا سەر. بە پاو ئامارەکا دەسەو تەندرووسی ئیدارەو ۋێڕاوەبەری سەرنیشت و ۋەرکۊتوو سووریای، جە دووە مانگی ۋېیەردەنە بەمەڵامەتوو هرووژمە سەرەمڕەکا دۊڵەتو تورکی و چەتەکاشۆ ٢٥ هاموڵاتیۍ مەدەنیۍ گەشمەرڎۍ بیێنۍ و ٢٢١ هاموڵاتیۍ تەرێچ زامڎارۍ بیێنۍ.