لوزەرن

جە لوزەرنەنە بە سەرمەشقایەتی ئەنجوومەنو ژەنا ئارین میرکانی جە بیناو ئەنجوومەنو گەلو کوردینە مەراسیمۍ سازکریا و ژمارێوە فرە جە کوردەسانیا بەشدارێبێنۍ.

دماو دەیەقێوە ڕێزگېرتەی جە گەشمەرڎا، بەنامۍ ئەنجوومەنو ژەناوە فاتمە تۆرە قسێش کەردۍ و ٤ و نیسانیش پیرۆز کەرد، واتش: "٤ و نیسانی تەنیا ڕۊبیەو ڕابەر ئاپۆی نییا، ڕۊبیەو گرڎو گەلا کوردەسانیا".

هامسەرۆکو مېیانو گلېرگەی دیموکراتیکی کوردی جە لوزەرن، ئەرجان گونەش ئەرەیاۋناش ڕۊبیەو ڕابەر ئاپۆی ڕۊبیەو جوانا و ژەنا و مرۆڤایەتییا، واتش: "ئی ڕووەیە مکەرمۍ بە سەوقاتی پەی گرڎو مرۆڤایەتی و گەریلا قارەمانەکا و گەشمەرڎاما".

ئەندامو ئەنجوومەنو لوزەرنی عەلادین زورگورلو واتش: "بە پرۆسېوە گرنگەرە موېیەرمۍ. مشۊم بە پاو بانگەوازەکەو ڕابەر ئاپۆی مامەڵە بکەرمۍ".

دماتەر بەڵگە فیلمێوە دەربارەو ڕابەر ئاپۆی نیشانەدریا.

بێل

شارو بێلینە جە دەورو درەختو ڕابەرایەتینە کە جە ساڵۊو ٢٠١٦ ینە نریابۍ، مەراسیمېوە سازکریا. مەراسیمەکە بە سەرمەشقایەتی ئەنجوومەنو ژەنا ئارین میرکانی لوواڕاوە.

سۆلۆزەرن

جە سۆلۆزەرن بە سەرمەشقایەتی کۆمۆنەو ژەنا پناری مەراسیمێوە سازکریا.

ڕاپەرسویل

کۆمۆنەو گەلو گەشمەرڎە چیاگەری جە ڕاپەرسویلەنە مەراسیمێوەش سازکەرڎ.

هەرپاسە جە بێلیزۆنا و چور و ئاراونە مەراسیم سازکریا.