کۆمیسیۆنو پروپاگەڼەی و وەڵا کەردەیۆ دەم پارتی، بۊنەو ٦ و نیسانی، ڕۊو ڕۆنامەنوویسا کوشیایۆ ئەرەیاۋنێوە نویسیاش وەڵاکەرڎۆ.

جە ئەرەیاۋناکەینە ئاماژە پانەی مکەرۆ، ڕۆنامەنوویسا مافو گەلی پەی بەدەسئاوردەی زانیاری پارېزنا، پۊکەی ڕووبەڕووو تنوتیژی و فشارو دەسەڵاتی باوە، جەخت مکەرۊوە ئا ڕۆنامەنوویسۍ حەقیقەت وزا ڕووە بانۍ بە ئامانجو سیستەمی. دەم پارتی ماچۆ، ڕۆنامەنوویسا شۊنکۊتۍ حەقیقەتی، نەمرێنۍ.

هەرپاسە تەئکیدکریاوە، بەتایبەت جە کوردەسانەنە، ماوێوە فرە هەوڵمڎریۆ بە فشار و سانسۆر و گېرتەی و کوشتەی، ڕۆنامەنوویسۍ بێدەنگۍ بکریا، چی ٥ ساڵە دماینە، ١٥ ڕۆنامەنوویسۍ جە هرووژمە سەروازییەکانە کوشیێنۍ، ئەرەیاۋناش ئی ڕۆنامەنوویسۍ ۋەرو ئانەی تاوانەکاو جەنگی و پاشێلکارییەکۍ مافەکا مرۆڤیشا بەدیکۆمێنت کەردەن، کریێنۍ ئامانج.

هەرپاسە جەخت مکەرۊوە، پارېزنای ئەرەیاۋنای ئازادی و مافو دەسکۊتەی زانیاری جە لایەنو گەلیوە بەردەوام بۆ، ئا ڕۆنامەنوویسۍ کوشیێنۍ یاڎۍ مکەرۊوە و قەول بە درێژەدای بە ئەوەکۊشایشا مڎا.