جری ئادامز و جە سەرۆکایەتی مییاننەتەوەیی Sinn Féin Declan Kearney، زیاتەر جە ٢٠٠ سیاسەتمەدارێ مییاننەتەوەیی، پارێزنەرا مافەکا مرۆڤی، نوێنەرا تەڤگەرو ژەنا، هونەرمەندێ، ڕۆنامەنووسێ پەی چارەسەرو پرسو کوردی بە نامێوە بانگەوازشا جە گرڏو لایەنەکا کەرد 'پەی ئاشتی هەنگامە بنیا'.

دماو ئانەی پەکەکەی ئەرەیاوناش پەی چەک نیارەی و وێ هورشێونایۆ ئامادەن، ئی نامە ئاما. جری ئادامز جە نوسینێوەشەنە جە ماڵپەڕو belfastmedia.com وەڵاکریانۆ و ماچۆنە: "ئی بانگەوازە پەی تورکیای و گەلوو کوردی دەرفەتێوە ژیواییا کە دمای بە جەنگو دەیان ساڵەی مارۆنە و ڕا پەی گلێرگەو دیموکراتیکی مکەرۆوە."

جری ئادامز جە نوسینەکەشەنە سەرنج وسۆ سەرو نەخشەڕاو ڕابەر ئاپۆی سەرو بنەماس ئاشتی و دیموکراسی و واتش: "سەرەڕاو ئانەی ئۆجالان دەیان ساڵێن ئینا زینانەنە، ئامادەن پەی ئاشتی دەسو وێش درێژ بکەرۆ. ئارۆ بە واتەو 'با چەک بێدەنگ کریۆنە، فکر و سیاسەت قسێ بکەرۆ' بانگەوازو دیموکراسی، ئازادی جە گەلوس کوردی مکەرۆ."

جری ئادامز ئاماژەش پانەیەدا ئی بانگەوازەو ڕابەر ئاپۆی دلێ پەکەکەینە ئەرێنی پێشوازیش ونە کریا و سەرکردەکێ کوردی جە ئاستێوە وەرفراوانەنە خاوەنداریشا چی بانگەوازەیە کەرد. ئادەمس ماچۆنە، جە وەرکەتوو مییامینی هیواو ئاشتی سەر جەنۆ ژیوانۆ.

'گلێرگەی مییاننەتەوەیی مشۆم ئی دەرفەتەیە جە دەس نەرۆنە'

جری ئادامز ئەزموونو ڕێکەوتەی جومعەی عالی (جومعەو خێر)ێ جە سەرنیشتوو ئێرلەندای یاڏوستیمی و واتش: "ئا ئەرکەی گنۆند سەرو شانو ڕاو گرڏی مییاننەتەوەیی، هورسەنگنا و ئی دەرفەتەینە. پڕۆسێوە ئاشتیی سەرکۆتە، پەی گەلا تەرێ هەرێمەکەی بۆنە بە سەرجەمێوە مۆڕاڵێوە گۆرەی."

جری ئادامز پی جۆرە دمایش بە قسەکاش ئارد: "سڵام جە ڕابەرایەتی و ڕوانگەو عەبدوڵا ئۆجالانی مکەرو. هەرپاسە داوا جە حکومەتو تورکیای مکەرو، پەی ئانەی پروسەکە بلۆنە وەڵێوە بەڕێزشا ئازاد کریۆنە."