لەسەر بانگەوازی ئەنجوومەنی ژنانی ژیانی لەندەن بە درووشمی "لە لەندەنەوە سڵاو لە بەرخۆدانی ئامارا دەکەین" ڕێپێوانێکی جەماوەری ئەنجامدرا.

جەماوەر لەبەردەم کتێبخانەی ود گرین کۆبوونەوە درووشمی "ژن ژیان ئازادی" و "بژی سەرۆک ئاپۆ" و "ڕۆژبوونت پیرۆز ئەی سەرۆک ئاپۆ" و "بێ سەرۆک ژیان نابێ"یان بەرزکردەوە.

ئەندامانی تەڤگەری گەنجانی شۆڕشگێڕ (تەجەشە) بەشداربوون و وێنەی ڕێبەر ئاپۆیان هەڵگرت.

لەسەر ناوی ئەنجوومەنی ژنانی ژیان، گوڵێ پازارجیخ ڕایگەیاند ڕۆژبوونی ڕێبەر ئاپۆ ڕۆژبوونی گەلی کورد، لەدایکبوونی کۆنفیدراڵیزمی دیموکراتیکە کە ئەڵتەرناتیڤی مۆدێرنیتەی سەرمایەدارییە و لەدایکبوونی تێکۆشانی ژنانە. جەختی کردەوە دەبێت تێکۆشان بۆ ئازادی جەستەیی ڕێبەر ئاپۆ زیاتر بکرێت.

پارادایمی ڕێبەر ئاپۆ ڕێگەی ئێمەی ڕووناک کردەوە

گوڵێ جەختی کردەوە بانگەوازەکەی ڕێبەر ئاپۆ مانیفیستۆی ژیانی دیموکراتیک و ئازادە، گوتی: "بە خاوەنداری لەم بانگەوازە دیسانەوە دەڵێین، ئازادی ڕێبەر ئاپۆ، ئازادی ئێمەیە".

نوێنەری تەجەشە گوتی: "فیکر و پارادایم و ژیانی ڕێبەر ئاپۆ، ڕێگەی ئێمە ڕووناک دەکاتەوە. گەنجانی شۆڕشگێڕ تا مسۆگەرکردنی ئازادی ڕێبەر ئاپۆ، بەرخۆدان مەزن دەکەن".

پاشان جەماوەر بە درووشم و هەلهەلە و چەپڵە ڕێپێوانیان کرد، ڕێپێوانەکە بە هەڵپەڕکێ کۆتایی هات.