جارۆنە روحو دەیان گەشمەرڏا ئاسوودەن، جارۆنە تالای ساوای بێ ئەڏیا و تاتە هامشێوەو ئاوێ فوراتی بە ئاسوودەییۆ کیشیێنێ و گۆرانی سەرکەوتەی ماچاوە، ئارۆ ڕۆو سەرکەوتەین و شکستو ئەرەگیران.
سەرو ڕاو بەنداو تشرینی جە ٨و کانوونو دووەمیۆ مڏرامانی بێهاوتا دەسش پنەکەرد. هامشێوەو ئی مڏرامانیە جە هیچ یاگێوە ئی جەهانینە نەوینریا. گەلا هەرێمەکەی قەرار و بژاردەو مڏرامانێوە دیرۆکیشا پێکئارد، بێگومان ئینەیچ دەرنجامو ئیرادەو بەخشینیشانە.
لێوەنە بۆمبواران و تۆپێ و لێوەتەرۆ بۆمبواران و فڕۆکەی جەنگی. گرڏ و ئینشا خودو دڕندەییی و تەرسێن جە ئیرادەو پۆڵاینو گەلی. جا ڕێنە فڕۆکە گرڏ و ڕێکێ پۆمبواران کەرێ، ڕاکێ دەر ئەنجام بۆمبوارانەکەینە ئنە و دۆڵێوە قووڵ بییەن. گەرەکشانە ڕا جە گەلی گێرانە، بەڵام نمەزانا ئینە ڕۆحو واڵەو-برایەتی گەلان، بێگومان فاشیزم و چەتەکێ شکست مارانە.
ژەنێ و، زاڕۆڵێ، پیرەمێرد و بەتایبەت جوانێ بێ دوو دڵی بە هەزاران کەسۆ پێوەرە مڏرامانشا داو و بیێ بە ئێشکگیری بەنداوەکەی. جە زاڕۆڵەی کولانۆ تا بەتەمنترین ئینسان جە بەنداو تشرینینە بێنێ، ئاڏێ پەی مڏرامانی چاکە بێنێ... یاگێ وێشانە بێنێ، سەرو خاکو وێشا بێنێ، جە وڵاتو وێشا بێنێ! قەولشا دابێ بە گەشمەرڏەکاشا.
هرووژمی بەردەوام سەرو ڕاکێوە ئینا ئارانە. لێوە زامڏار، لێوەتەر گەشمەرڏێ... لێوەتەر ئەڏیێ هامشێوەو کەشی بیێبێنێ بە قەڵغان و ماچانە "جە مەردەی گۆرەتەرینمێ" بەڵێ. مەردەی چێشا جە وەراوەرو ئی مڏرامانینە؟ مەردەی نییا، تەنیا مڏرامان هەن... ئا مڏرامانەیش بێگومان ئینسانی یاونۆنە سەرکەوتوی.
سەرو ڕێکێ ئامبۆڵانس و تڕۆمبێلێ ئێشگکگیرێ بە سۆچییای هەنێ. سەرو ئا بەنداوەیە، زاڕۆڵێ بێ تاتە و ئەیا، واڵەو و برا مەنێنێ! بەڵام ئیسە سەرکەوتوێنێ، بیینێ بە بەرخۆدەرێ.
تالای ساوا کە ئەیا و تاتە جە هرووژمو دۆڵەتو تورکینە گەشمەرڏێ بیێ، ئیسە سەربەرزێ و سەرکۆتێنێ. باڵندەکێ ڕووحو ئەڏێ و تاتەیشا ئارد و سەرکەوتەی موبارەک مکەرمێنە. ئانێ ئا قەولەشا دا و شایستەو ئا بەڵێنەیە بێنێ. ئارۆ تالای سەرکەوتەن،
٨و کانوونو دووەمی تاریخ و دەستپێکو مڏرامانیا، ئارۆیچ یاوای بە ئامانجو سەرکۆتەی و ٥و ئایاری تاریخ و سەرکەوتەین. سەرکەوتەی هەمیشەیی و شکستو ئەرەگیران. ئەرەگیرێ شکستشا ئارد، سەرکەووت. چنی عەگیدی، جیهان و نازمەکێ و تا یاوا بە تالاو ساوای گرڏ پێوەرە سەرکەووتێ.
ئێمە وێڕاگرێ بێنمێ و سەرکەوتیمێ...
