جە ٢١ـو کانوونو دووەمو ئێساڵی جە پەرلەمانو ئێراقینە پرۆژە و هەمووارکەردەیۆ یاساو بارو کەسێتی ئێراقی ژمارە ١٨٨ـی ١٩٥٩ پەسەن کریا و ئانەیچ ناڕەزایەتی چالاکوانێ ژەنا و گلێرگەیش شۆنەو وێشەرە ئارد، چنی ئانەیچ دەنگ سەرو پرۆژەو یاساو ویەردەی گرڏی دریا، کە ڕا بە چەتەکا  داعشی مڏانە ئازادێ بانە و جارێوە تەر دەس بە تاوانەکاشا بکەراوە کە دەسشا بە ونەو پێکئاماکا ئێزدی و ژەنا ئێزدی و گلێرگەو ئێراقی و سووری سووربییەن.

جە دژو جابەجێکەردەو ئا دووە یاسایە پەڕلەمانو عێراقی، قەرارا ئێشەو سەعات ٨:٠٠ بە دەس وەڵوستەو تەڤگەرو ئازادیی ژەنا ئێزدی-تاژێ هاشتاگو "یاساو ویەردەی پەی داعشی مدرنا" دەس پنە کەرۆنە.

ئامانج جە هەڵمەتەکێ تاژێ ڕاگیری کەردەین جە تەرسەو دووە یاساکەی، کە ڕا بە ئازاد کەردەو چەتەکا داعشی و هاوسەرگیری زاڕۆڵا کناچا مڏۆنە، هەر دووی یاسێکێ جەلایەنو پەرلەمانو ئێراقەیۆ پەسەن کریێنێ و تاژێ گەرەکشا هۆشیاریێ مییاننەتەوەیی وەڵا بکەرۆوە.

هامکات داوا جە گرڏو ژەنا مکەرۆ بەشداری ئی هاشتاگەیە بکەرا.

هاشتاگەکەو تاژێ پی جۆرەنە: #StopTheAmnestyLawForISIS