دماو هرووژمەکا دۆڵەتو تورکی ئەرەگیری پەی سەرو عەفرینی و شەهبای هاموڵاتییێ ئا هەرێمەی بە کۆچی فرە ملێ ئاوارەو دێرکی بیێ. بەمەسو خاستەر کەردەو یاگێ مەنەیۆشا جە لایەنو ئیدارەو وێڕاوەبەرییەکاوە وەشکەردەو یەکەکا ئەرەنیشتەی بەردەواما.

بە مەبەسو گلێرۆکەردەی هامکاری ماددی پەی دروسکەردەو ئا یەکا، چالاکی خێرکەردەو بەرلینی جە لایەنو دەسوەڵوستەی وەرزشیۆ ڕێکوزیا و چنین تابلۆیێ هونەریێ ناوازێ پەی ورەتەی نیشانەدرییێ. چالاکییەکە بە ئامادە بییەو کوردا و دۆساشا ڕێکوزیا و  چالاکی ورەتەو بەرهەمی هونەری ئەنجامدریا. ئامانجو چالاکییەکەی گلێرۆکەردەی ماددیا پەی  ئاوارەکا و پارێزنایشانە جە هەلومەرجو قورسو زمسانی

کەمپەینو هامبەشو شارەوانییەکا کروزبێرگی و دێریکی پاڵپەشتو ئا دەسوەڵوستەیشا کەرد  و دواو هموکاریکەردەی گۆرەشا جە گرڏ لایێ کەرد.

جە چوارچێوەو هەمان چالاکینە هونەرمەرندا کوردی لوقمان ئامەد و زانارا ئامەد سەرو هونەرو کوردی پانێڵێوەشا ڕێکوست. جە پانێڵەکەنە جەخت وسیا سەرو تاریخو وێنەسازی کوردی.

جە دماین و چالاکییەکەینە موزایدە کریا بە ورەتەو تابڵۆ و بەرهەمە هونەرییەکا تەری و داهاتەکەش پەی کۆچبەرا گلێر کریاوە.