دماو پێشئاماکا سووریای و وڕناو ڕژێمو بەعسی، دۆڵەتو تورکی بە گرڏو دەرفەتەکاشۆ و بە بییەو دڕندەترین جە چەتەکا، هرووژمەکێشا پەی سەرو هەرێمەکا چێرو سیستەمو ئیدارەو وێڕاوەبەری بە گرڏی و بەندوا تشرینی زیاڏش کەردەن.

جە وەراوەرو ئی هرووژمانە جە ٨و کانوونو دووەمیۆ گەلا سەرنیشتوو و وەرکەوتوو سووریای بە سەرمەشقایەتی ژەنا و جوانا ماوەو ٤٧ ڕوان جە مڏرامانو پارێزناو بەندواو تشرینینێ.

گەل پۆل پۆل پەی ئێشکگیری بەنداوەکەی، پەشتیوانیکەردەی و خاوەنداری کەردەی جە مڏرامانو جەنگاوەرا ملانە بەندواوەکە و نۆرە هورگێرتەی ئێشکگیری پارێزناو بەندوا تشرینی مکەرا.

سەرەڕاو بەردەوامی مڏرامانو گەلی، دۆڵەتو ئەرەگیرو تورکی و چەتەکاش بۆمبواران و بەردەوامو هاموڵاتییا مەدەنی سەرو بەنداو تشرینی مکەرا و بە پاو ئامارەکێ دەسەو تەندرووستی ئیدارەو وێڕاوەبەری سەرنیشتوو و وەرکەوتوو سووریای، جە ٤٦ ڕوا ویەردەینە بەمەڵامەتوو هرووژمەکا دۆڵەتو تورکی و چەتەکاش ٢٥ هاموڵاتیێ مەدەنیێ گەشمەرڏێ بیێنێ و ٢٢١ هاموڵاتیێ تەرێچ زامڏارێ بیێنێ.