لە ٢١ـی کانوونی دووەمی ئەمساڵ لە پەرلەمانی ئێراق پرۆژە پێشنیار کراوی هەمووارکردنەوەی یاسای باری کەسێتی ئێراق ژمارە ١٨٨ـی ١٩٥٩ پەسەند کرا و ئەوەش ناڕەزایەتی چالاکوانانی ژنان و کۆمەڵگەی بەدوای خۆیدا هێنا، لەگەڵ ئەوەشدا دەنگ لەسەر پرۆژە یاسای لێبووردنی گشتیی درا، کە ڕێگە بە چەتە زیندانیکراوانی داعش دەدات ئازادبن و جارێکی دیکە دەست بە تاوانەکانیان بکەنەوە کە دەستیان بە خوێنی پێکهاتەی ئێزدی و ژنانی ئێزدی و کۆمەڵگەی ئێراقی و سووری سوورە.

لە دژی جێبەجێکرندی ئەو دوو یاساییەی پەڕلەمانی عێراق، بڕیارە ئەمشەو کاتژمێر ٨:٠٠ بە دەستپێشخەری تەڤگەری ئازادیی ژنانی ئێزدی-تاژێ هاشتاگی "یاسای لێبووردن بۆ داعش ڕابگرن" دەستپێبکات.

ئامانج لە هەڵمەتەکەی تاژێ ڕێگریکردنە لە مەترسییەکانی دوو یاساکە، کە ڕێگە بۆ ئازادکردنی چەتەکانی داعش و هاوسەرگیری مندالانی کچ دەدات، هەر دوو یاساکە لەلایەن پەرلەمانی ئێراقەوە پەسەند کراوە و تاژێ دەیەوێت هۆشیارییەکی نێونەتەوەیی بڵاوبکاتەوە.

هاوکات بانگەواز لە سەرجەم ژنان دەکەن بەشداری ئەم هاشتاگە بکەن.

هاشتاگەکەی تاژێ بەمجۆرەیە: #StopTheAmnestyLawForISIS