ڕێکوزیاو گلێرگەو مافو مرۆڤو کوردەسانی سەبارەت بە باڵبەسکەردو ژمارێوە مامۆستێ كوردی جە وەرکەوتوو كوردەساینەن ڕاپۆرتێوەش وەڵاکەردۆ.

جە ڕاپۆرتەو گلێرگەو مافو مرۆڤو کوردەسانی وەڵاکریانۆ؛ جە ساڵەی ویەردێنە حەوت مامۆسێ زوانو کوردی جەلایەنو هێزە ئەمنیەكا ئێرانی (وەزارەتو ئیتاڵاعات)یۆ باڵبەسکریێنێ و گرڏشا بە ٢٠ ساڵێ و هەشت مانگێ زینانی کەردەی سزا دریێنێ.

ئا مامۆسێ باڵبەسکریێنێ، سەوسەن حەسەن زادێ خەڵکو بۆکانی، حاجی بەرزە خەڵکو پیرانشاری، مەحموود نیروومەند خەڵکو دەرگەزی سەر بە خۆراسانی ڕەزەوی، ئازسد عەباسی ئەندامو ئەنجوومەنو کلتووری کۆمەڵایەتی نۆژین و خەڵکو دێولان، سۆما محەممەدپوور و سروە محەممەدپوور جە ئەنداما لیژنەو ڕاوەبەری ئەنجوومەنو کلتووری کۆمەڵایەتی نۆژین، سەیوان ئیبراهیمی خەڵکو کامیارانی و ئەندامو لێژنەو ڕاوەبەری نۆژینی بییەن.

یاگێ ئاماژەینە،وەڵتەر جەمەو نوویسەرا وەرکەوتوو کوردەسانی و ئێرانی جە بەیاننامێوەنە ئیدانەو دەس سەرەرە گێرتەو مامۆسێ کوردێ، عەرەبێ، بەلووچ و تورکی کەرد.