جە لایەنو مییانو گلێرگەو دیموکراتیکو کوردی شارو تۆرنتۆو کەنەداینە بە گلێرۆبیێوە وەفروان تەعزییە پەی ئەندامو شاندو ئیمراڵیی دەم پارتی و یاگەگیرو سەرۆکو پەڕلەمانو تورکیای سری سورەیا نریارە و تەعزییەکێنە قەولو جابەجێ کەردە و وەرمەکاش درای.

دماو دەقێوە پەی یاڏو گەشمەرڏا ڕاو ڕزگاری، تەعزییەلێنە پەیامو ٣ی ئایاری  ڕابەر ئاپۆی ونریاوە کە پەی یاڏکەردەیۆ سری سورەیا ئۆندەری گیانابێش.

دماتەر هامسەرۆکو مییانو گلێرگەو دیموکراتیکو کوردا کەنەدانە، قادر ئەرتوغرول قسێش کەردێ و دماو بەربڕییەو غەمگینی وێشا واتش: "قەولمڏەیمێ بە ئۆندەری هەمڕایما، درێژە بە هەرمانەکاش دەیمێ و بەدڵنیاییۆ یاونمێش بە سەرکەووتەی."

یاڏکەردەوەکەیشەنە بەڵگە فلمێ سەرو ژیواو سری سورەیا ئۆندەر نیشانە دریا، تەعزییەکێ

تا وێرەگا بەردەوامە بێ.