ئارۆ یەرە شەممە بێزالیل سمۆتریچ، وەزیرو دارایی ئیسرائیلی جە ئەرەیاونێوەشەنە باسش چانەیە کەردە، دماو جەنگو بەینو ئیسرائیلی و حەماسی چێوێ مەمەنۆ بە نامێ کەرتو غەززەیۆ.

بێزالیل سمۆتریچ جە سیمپۆزیۆمێوەنە جە ئۆفراو کەرتو وەرنیشتی کە جە لایەن ئیسرائیلیۆ ئەرەگیر کریان قسێش کەردێ و جواب و پرسیارێوەش داوە پەیوەس بە قۆناغو دماو جەنگو غەززەی.

ئاماژەش پانەیەدا دماو ئانەی ئەرەنیشتی غەززەی بەرەو پانیشت یاگێ وێشا فاڕا، 'بە ژمارێوە فرەتەرۆ بەرەو وڵاتو یەرەمی ملانە.'

جە بەردەوامینە واتش: "غەززە بەتەمامەتی بۆنە وێرانە، ئەرەنشینەکێش جە پانیشتەنە ئەرنیستێ کریانە و دماتەر بە ژمارێوە فرە رەوانەو وڵاتا یەرەمی کریانە. پینەیچ جە غەززەنە  حەماس نە جە ڕوانگەو سەروازیۆ و نە جە ڕوانگەو مەدەنیی بییەیش مەمەنۆ.

بە قسێ وەزیرو سمۆتریچ، "ئا یاگێ کە جە کەرتو غەززەینە مەنێنێ چۆڵێ کریانە" و جە ماوەو چن مانگێنە "سەرکەوتەی" ئەرەیاونمێ.