ئاماڎەکاریەکۍ نەورۆزی جزیرەنە دەسشا پنەکەرڎ
جە کانتۊنو جزیرەینە ئاماڎەکاری پەی نەورۆزی مکریۆ، جە ٧ مېڎانێنە نەورۊز پیرۆز مکریۆ. ئیدارەو ۋێڕاوەبەری سەبارەت بە وردەکاریەکا نەورۆزی، جە ١٧و ئادارینە قامیشلۊنە ئەرەیاۋنێوەش وەڵا کەرڎۆ.
بۊنەو نەورۊزیۆ جە کانتۊنو جزیرەینە کۊمیتەو ئاماڎەکاری، ئاماڎەکاری پەی مەراسیمو نەورۆزی مکەرۆ.
بەپاو ئا زانیاریا کە جە کۊمیتەو ئاماڎەکاریۆ هۊرگیریێنۍ، ئێساڵ جە ٧ مېڎانێنە مەراسیمو نەورۆزی ملۆڕاوە.
جە ئەرەیاۋناکەینە ئامان:"جە ١٤و ئادارینە جاڎەکۍ شاری ڕازیاوە. بە مەبەسو بەشداری مەراسیمەکەی کۊمیتەو ئاماڎەکاری سەردای پارتە ڕامیاریمەدارەکا و ڕێکوزیاکا، ڕیش چەرما پېکئامایەکا کورد، عەرەب، سریانی، ئاشوری، ئەرمەنی مکەرۆ. هەرپاس جە ڕاو گروپێوە سەرداو بنەیانەکا مکریۆ.
١٥و ئادارینە جە شار و جزیرەینە گەڕەک بە گەڕەک ئېرو نەورۆزی مکریۆوە. جە ١٧و ئادارینە ئیدارەو ۋێڕاوەبەری کانتۆنو جزیرەی بە ئەرەیاۋنێوە بەرنامەو جەژنەو نەورۆزی سەعات ١١:٠٠ جە چوار ڕیانو عەفرینینە جە قامیشلۆ ئەرەیاونۆ.
جە ٢٠ ئادارینە ئەرەنیشتا شارەکەی و نوێنەرا ئیدارەو ۋێڕاوەبەری کانتۊنو جزیرەی جە گرڎو شارەکانە سەر ۋنەو قەبرەو گەشمەرڎا مڎا.
