تەڤگەروو ژەنە ئازادا (تەژەئا)، جە چوارچوەو کەمپەینوو "بە ژەنی، ژیوای، ئازادی بەرەو ئازادی" لەقوو ژووروو تەلارسازاو ئامەدینە پێوەس بە گۊشەگیری و جەنگی تایبەتی، وۊرکشۊپێوەش ڕێک وست. وۊرکشۊپەکەنە، پێوەس بە گۊشەگیری و یەکسانیی ڕەگەزی قسەوباس کریا. وۊرکشۊپەکە جە دوۍ ئەرەنیشتا پێک ئاما بۍ و چندین کەسۍ بەشدارۍ بێنێ.

ئەرەنیشتەو ئەوەڵینە تارێخوو سەرەورڎای تاتەسالاری و جیاوازیی بەینوو ژەنۍ و پیای و کۊشیای ژەنا ماوەو ئا قۊناغەینە نرخنیا. یوە چا خاڵا کە باسەکەنە ئاما ئاراوە، گرنگیی کۊشیای دلۍ خێزانی بێ. جە ئەرەنیشتەی دووەمنە سیاسەتەکاو جەنگی تایبەتی و گۊشەگیری نرخنیێ. بەشداربیۍ ئاماژەشا پانەیە کەرد، کە دەسترێژی و تندوتیژیی دژوو ژەنا و ئەسیملاسیۊن جە ڕاو سیاسەتوو جەنگی تایبەتیوە  ملۊ ڕاوە.