ئانتەر ئانتەر عەمرەو خوڎایش کەرڎە
ئانتەر ئانتەر جە ساڵیاڎو تیرۆرکەرڎەی مووسا ئانتەری تاتەیشەنە عەمرەو خوڎایش کەرڎە.
ئانتەر ئانتەر، کوڕو ڕۆنامەنوویس مووسا ئانتەری (ئاپێ مووسا)ی، سەرسەعبو ئارۆی عەمرەو خوڎایش کەرڎە. ئانتەر ئانتەر جە حمامو یانەکەو ۋێشەنە جە دەگاو ستیلیل و ناوچەو نسێبینی جە مێردین گیانش جە دەسدا. دماو وەڵا بیەیۆ ئاژەکەی، هێزەکاو پۆلیسی و تیمە تەندروستیەکۍ لوۍ شۊنەما ڕووەداکەی. دماو یاۋنایش بە خەسەخانەی ئەرەیاۋییا کە ئانتەر ئانتەر عەمرەو خوڎایش کەرڎێنە. تەرمو ئانتەر ئانتەری پەی توێکاری پزیشکی ڕەوانەو خەسەخانەو مێردینی کریا.
تاتەو ئانتەر ئانتەری بە نامۍ مووسا ئانتەری ٣٢ساڵۍ چێوەڵتەر جە ڕوۍ پېسە ئارۆینە تیرۆر کریا.
یاگۍ ئاماژەینە ئاپێ مووسا ئارۆ چا شۊنێنە کە جە لایەنو ژیتەمیوە گەشمەرڎە کریا، یاڎش کریاوە. هەرپاسە قەراربۍ وێرەگا سەرو قەبرەکێشۆ جە دەگاو ستیلیلینە یاڎش بکریۆوە.
