یانەو ژەنا هۆرامانی پەنجەم کۆنفڕانسو ۋێش سازکەرڎ
شارو مەریوانو ۋەرکۆتوو کوردەسانینە، یانەو ژەنا هۆرامانی بە بەشداری نوێنەرا و ئەنداماش، پەنجەمین کونفراسو ۋێش بە سەرکۆتەیی ئەنجامدا و نامۍ ڕێکوزیاکەیشا فاڕا بە “سەروین”.
یانەو ژەنا هۆرامانی شارو مەریوانینە، بە بەشداری نوێنەرا و ئەندامەکاشا جە ناوچە جیاجیاکا هۆرامانینە، پەنجەمین کونفراسو ۋێش بە سەرکۆتەیی ئەنجامدا.
کۆنفرانسەکە بە دەیەقێوە مردای بە بێدەنگی پەی گیانی پاکو ئا ژەنا کە پەی یەکسانیی و مافەکاشا گیانشا بەخشان دەسش پنەکەرڎ.
دماتەر گوزارشتێوە سەرو کار و چالاکییەکا ساڵەی ۋېیەردۍ نیشان دریا و سەرنج وزیا سەرو پلانە و بەرنامەو ساڵەی ئاینڎۍ.
جە کۆنفڕانسەکەنە چڼین چالاکیۍ پېسەو شانۆیۍ چێرو نامونیشانو(ژەنی بێ بارکۆدە) و چن هۆنیێ، وتارۍ پێشکە کریۍ و پەیامو سەرۆکو ڕێکوزیای ۋنیاوە.
جە پەنجەمین ساڵەو کۆششو یانەو ژەنا هۆرامانینە پەی یۆوستەی و فراوانکەردەی پانتایی خزمەتی و کۆششیشا پەی تەمامو ژەنا کوردەسانی، جە کۆنفڕانسەکەنە بە کۆی گرڎین قەرار دریا کە جەمۍ فاڕیۍ بکریا بە تایبەت جە نامۍ و لۆگۆ و ئامانجو کار و پەیڕەوو ڕێکوزیاکەینە.
یۆ جە قەرارەکا ئانە بۍ، کە نامۍ “یانەو ژەنا هۆرامانی” فاڕیۆ پەی نامۍ ڕێکوزیاو “سەروین”ی و چێرو ئا نامێنە درێژە بە خزمەتی و کۆشش و ۋێش جە ۋەرکۆتوو کوردەسانی و ئێرانینە بڎۆ.
جە دما دمایچەنە بە کۆو دەنگی ھەریۆ جە (ئەختەر ڕەزاییە، نوقڵە ڕەحمانییە، گوڵچین غوڵاموەیسییە، ھەڵاڵە شەوکەت لھۆنیە، نەرمین گیوەچیە، سروە عەزیزیە و کەژان ئەسەدی)ە پېسەو دەسەو ڕاوەبەری ڕێكوزیاکەی هۆرۍ چنیۍ .
هەرپاسە هەر جە کۆنفرانسەکەنە، دلۍ دەسەو ڕاوەبەرینە ھەڵاڵە شەوکەت لھۆنیە پېسەو سەرۆکەو ڕێکوزیاکەی هۆرەچنیا.
