یۊبییەی ئەورووپای قەرارێش  دژوو پاشێلکەرڎەی مافەکاو ژەنا و تنڎوتیژیی زای بارەو ژمارێوە کەس و ئەرەمەرزیایا سوودانی پانیشت، میانمار، ئەفغانستان، ئێران و ڕووسیانە بەر کەرد.

وەزیروو جبەروو هۊڵەندای "وۊپک هۊکسترا" واتش، ئینە یووەم جارا ئی قەرارۍ چێروو چەترەو یۊبییەی ئەورووپاینە،  دژوو کرڎەوەی تنڎوتیژی زای بەرۍ کریێنۍ،

هۊکسترا واتیچش: "بە بەرکەرڎەی ئا قەرار و سزایا، ئێمە بەڕۊشنی باس چانەیە کەرمێ، کە تاوانبارۍ بۊنەو تاوانەکاشاوە مەتاوا  بەبۍ سزا ڕزگارشا بۊ".

وەزیروو جبەروو هۊڵەندای واتیچش، ئی قەرارە کاردایۊێن دژوو ئا تاوانە تەرسناکا دژ بە ئینسانیەتی هەنۍ و پەیامێوەیچا پەی قوربانییەکا: حەر شۊنێوە دنێێنە با یۊبییەی ئەورووپای پەشتیوانشانە.

لیستوو ئا کەس و دەزگایا کە قەرارەکەشا دژ بەر شییەن و سزاشا ملەرە سەپیۊ، وێرەگاو ڕۊو جیهانیی ژەنا ڕۊنامەی فەرمینە وەڵا کریۊوە. وەزیروو جبەروو هۊڵەندای ئانەیچش وست ڕووە، لیستەکە وەرفراوان کەرا و نامۍ کەس و تاوانبارای تەریچش پەی زیاد کەرا و درێغیی جە کەسی مەکەرا.

س.ز