سەرۆکو پارتو ئاییندەی (گەلەجەک) ئەحمەد داودئۆغلۆ دەربارەو مەڕاسیمو دلێنەبەردە و چەکەکا پەکەکەی واتش: "ئا چێوەی مشۆم ئێمە ئەنجامش دەیمێ سەرمەشایەتی کەردەی ئی قۆناغەینە." هەرپاسە سەرۆکا دەڤای عەلی باباجانیش بە دڵوەشیۆ پێشوازیش جە مەڕاسیمەکەی کەرد.
داودئۆغلۆ و باباجان سەر و پەڕەو ڕەسمی وێشاوە جە پلاتفۆرمو "X" دەربارەو مەڕاسیمس سۆچنا و چەکەکا پەکەکەی ئەرەیاوناشا وەڵا کەردۆ.
"ئینە کۆتایی نییا، سەرەتان"
داودئۆغلۆ جە وەڵاکەردەیۆ مەڕاسیمو جەکنیایرەینە واتش "کۆتایی نییا، سەرەتان" پێناسەش کەرد. هەرپاسە ئاماژەش پانەیش دا بڕێ هەنگامێ گرنگێ هەنێ مشۆم نریانە و واتش "ئانەی مشۆم ئەنجامش دەیمێ ئانەن کە کە حساباتی کولانەی سیاسی وزمێ لاوە و ڕا وەردەمو سەردەمێوە تازەینە کەرمێوە کە دلێشەنە ٨٥ میلیۆن کەسێ هەست بە هامووڵاتیی بییەی یەکسان و ئازاد بکەرا."
"هیواڏارەنا بۆنە بۆنێوە ئاشتی"
عەلی باباجان ئاماژەش پانەی دان کە بە دڵوەشیۆ پێشوازی جە مەڕاسیمو چەکنیارە و پەکەکەی مکەر و واتش: "هیواڏارەنا هەنگامێوە خێر دارە بۆ پەی وڵاتەکەیما و بۆنە بۆنەی ئاشتی و سەقامگیری. بە شێوێ ئەرێنی و بە ئاگادارییۆ جە چمدێری کەردەی پڕۆسەکەی بەردەوامێنمێ."
