سەرۆکو یەنەکەی، بافڵ تاڵەبانی ئەرەیاۋناش لوایڕاوەو مەراسیمو دلېنەبەردەی چەکی جە لایەنو گەریلایۆ شارو سلێمانینە هەنگامېوە تاریخیەنە پەی دەسپنەکەردەو قۆناغێوە تازەی جە سەرنیشتوو کوردەسانی و تورکیانە.
سەرۆکو یۊبیەی نیشتیمانیی کوردەسانی (یەنەکە) بافڵ تاڵەبانی سەبارەت بە مەراسیمو چەک دلېنەبەردەی گەریلای پەیامێوەش وەڵا کەرڎۆ و بە هەنگامېوە تاریخیە نامێش بەرڎ.
دەقو پەیامەکەو بافڵ تاڵەبانی ئینەن:
"چەکنیایرەو ئەنداماو پارتو کرێکارا کوردەسانی جە پارێزگاو سلێمانی هەنگامېوە تاریخیەنە، پەی دەسپنەکەردەو قۆناغێوە تازەی جە سەرنیشتوو کورڎەسانی و تورکیای جە ڕاو گفتوگۆی و ئاشتیوە.
یۊبیەی نیشتیمانیی کوردەسانی باوەڕی تەمامش پانەیە هەن کە ۋنمتەی کێشەکا قوڵتەر مکەرۆوە و ئیساتې سەردەمو کپکەردەی چەکەکا و لوای سەرو مێزەو گفتوگۆیا پەی بەدەسئاوردەی مافە رەواکا گرڎ لێوە.
ئێمە جە کاتێنە جە هەوڵەکاما پەی سەروستەی پرۆسەو ئاشتی بەردەوامې بیمې، فەخریچ مکەرمې پانەی کە ئا بناغەو ئاشتییەی یووەمجار سەرۆک مام جەلال متشەرە ئارۆ جابەجێ مکریۆ.
هیواڎارێنمې ئی هەنگامې بۆ بە سەرەتاو قۆناغێوە تازەی جە ئاساییکەردەیۆ پەیوەندیی بەینو لایەنەکا و کاریگەریی راسەوخۆش سەرو هێقم کەردەی سەقامگیریی هەرێمو کوردەسانی بۆ".
