ئەکین جەرەن دۆغرواکە (ئامارا) کە جە ئاکامو قۊمیایۍ ئاماو لواینە جە پانیشتوو کوردەسانینە گەشمەرڎە بی، جە ٢٠ەمین ساڵیاڎو گەشمەردەبیەیشەنە سەرو قەبرەکێشۆ جە قەبرسانو کارشیاکایاینە یاڎش کریاوە.

جە مەڕاسیمو یاڎکەردەیۊکەینە بنەیانەکەش، پەرلەمانتاراو دەم پارتی جۆرج ئەسلان و محەمەد زەکی ئیرمەز، ڕاوەبەرا ڕێکوزیاکا دەم پارتی ئەنقەرەی بەشدارۍ بێنۍ.

هامسەرۆکو گرڎیی دەم پارتی ئەنقەرەی فاتن کانات، ئەکین جەرەنەش یاڎ کەردۆ و ئاماژەش بە ڕەنجو ئەکینۍ پەی ئەوەکۊشای ئازادی و ئاشتی کەرد.

هەرپاسە تاتەو ئەکین نوسرەت دۆغرواکۍ ئاماژەش پانەی دا کە کناچەکێش جە تەمەنێوە فرە جوانینە پەی ئەوەکۊشای گەلەکەیش کۊتێنە ڕا.  

چالاکییەکە بە نیایرەو وڵە بەیبوونی سەرو قەبرەو ئەکین جەرەنێوە دمایش ئاما.