ئێلحەنە نەورۆز بە هوتافەو "ڕابەرایەتی ئازاڎ گلېرگەی دیموکراتیک" و "پەی ئازاڎیی نەورۆزو گلېرگەی دیموکراتیک"ی ملۆڕاوە، بە بەشداری هەزاران کەسا جە ١٢و ئاداری جە گەڕەکەو کۆرکی  ئەنجام دریا.

دووەمین ئېرو نەورۆزی پاڵو پارکو شەرزان کورتینە جە گەڕەکەو پەترۆڵکەنتی کریاوە.

جە مەراسیمەکەنە هوتافەکۍ "بژیۋۆ سەرۆک ئاپۆ"، "بێ سەرۆکی ژیۋای نمەبۆ"، "ژەنی، ژیۋای، ئازاڎیی"، "جوانۍ فیدایی ڕابەر ئاپۆینۍ"، "بە مڎرامان سەرۍ گنمۍ" و "پەکەکە گەلا، گەل ئینا چۍ" وچیێوە.

ئېرو نەورۆز بە ڕێزگېرتەی و سرودەو "چەرخو شۆڕش"ی گیسیانە و جەماوەر دەورو ئېرەکەینە بە چەپڵۍ، هوتافۍ و هەلهەلە و هۊرپڕایشا کەرد.

هامسەرۆکو کۆمیتەو ئاماڎەکاری نەورۆزو ئێلحی مسەفا تەکیک جە مەراسیمەکەنە قسێش کەردۍ و واتش: "سەرەتا ئەڎاو ئاشتیی ساکینە ئاراتە کە ژیۋای ۋێش فیداو ئەوەکۊشای ئازادی کەرڎ و چن ڕوۍ چێوەڵی عەمرەو خوڎایش کەردە، یاڎە مکەرمێوە. پېسە مزاندۍ ئی نەورۆزە بە درووشمۊو ڕابەرایەتی ئازاد، گلېرگەی دیموکراتیک و گلېرگەو ئاشتیی پیرۆز مکەرمۍ. مشۊم جوانۍ، گرڎو وڵاتپارێزنا پاڵپەشتی جە ئەوەکۊشای ئاشتیی و ئازادی بکەرا و سەرمەشقیش بکەرا."