مێردین و ئێلیح و خەلفەتینە کە شارەوانییەکێشا جە لایەنو قەیومیوە دەسشا سەرەرە گیریان، مڎرامانو گەلی بەردەواما. جە ڕۆو ٩یەمو چالاکییەکانە گەلوو ئێلیحی جە مېڎانوو باسنەینە گلێربیۆ. کەسکین بایندر هامسەرۆکو پارتو هەرێمە دیموکراتیکەکا (دەبەپە)ی، پەرلەمانتاراو دەم پارتی، چالاکا جمېیەرو ژەنا ئازادی (تەژەئا)ی، ئەنداماو ئەنجومەنو ئەڎایا ئاشتی و فرێوە جە هاموڵاتیا بەشدارۍ چالاکییەکەی بێنۍ.

جە چالاکییەکەنە بەردەوام دروشمەکا "بە مڎرامان سەرۍ گنمۍ" و "ژەنی، ژیۋای، ئازادی" وچیێوە. جە مېڎانوو باسنەینە ئیشکگیریی بەردەواما.

نوێنەراو ڕێکوزیاکا کۆمەڵایەتی و مەدەنییەکا سەردای مڎرامانوو خەلفەتیشا کەرڎ

جە ناوچەو خەلفەتیی شارو ڕحاینە مڎرامان ئینا ٩ەمین ڕۆشەنە. گەلوو خەلفەتی کە ۋەردەمو شارەوانی تەوقدریاینە بەردەوامێنۍ جە چالاکییەکاشا، جە لایەنو ڕاوەبەرا دەم پارتی و لایەنەکا تەری سەرشا ۋنەدریا و هامسەرۆکو دەم پارتی سەمسور حسێن جۆشکون جە چالاکیەکەنە یاڎش ئارڎۆ کە گەلوو خەلفەتی جە ٣١و ئادارینە ئیراڎەو ۋێشا نیشانە دا و ئەرەیاۋناش کە ئاڎۍ قەیوم قبوڵ نمەکەرا. هەتا قەیومەکاشا نەکێشاوە بەردەوامێنۍ جە چالاکییەکاشا.

یاگۍ ئاماژەینە چالاکیی ئیشکگیریی گەلوو شارەکەی بەردەواما.