بەرکۊت کە کلێساو بەریتانیای چەمپۆشیش جە دەسدرێژکەردەی سەرو زیاتەر جە ١٠٠ نۆجوانا کەردەن کە کلێسانە ڕووبەڕوو دەسدرێژی بیێێنێ. تاوانبارەکە ساڵەو ٢٠١٨ ی بەبێ ئانەی سزای یاسایی بڎریۆ مەردەن.

ئاشکرابیەن کە ساڵاکا ١٩٧٠ پەی ١٩٨٠ینە زیاتەر نۆوجوانۍ جە کلێساو بەریتانیاینە دەسدرێژی جنسیشا کریان سەر و پەی ماوەو ساڵانێ فرەی ڕووەدایەکە جەلایەنو کلێسایۆ پەرڎەپۆش کریان. کەسی وەرپەرس چی ڕووەدایەنە پارێزنەر جۆن ئێسمیتا کە بە ڕابەری ئایینی ئشناسیان. ئیسمیت دەستدرێژی جنسیش کەردەن سەرو ئا نۆجوانا کە جە کەمپە هامنییەکا مەسیحییەکانە چنیشا ئاشنا بییەن، یاگێ ئاماژەین نامبریا بە بێ ڕووبەڕووبیەیۆ یاسێ ساڵەو ٢٠١٨ ی جە تەمەنو ٧٧ ساڵینە گیانش جە دەسدان.

بەپاو لوایۆپۆرەیۍ سەربەخۆی، ئیسمیت پێسەو کەسێوە دەسدرێژیکاری زنجیرەیی کە فرەتەرین سزاش پەی بڕیانۆ جە کلێساو بەریتانیاینە دەسنیشانکریان.

یاگێ ئاماژەینە ساڵانە ڕووەدایێ پی جۆرە جە کلێساکانە کە نۆجوانۍ بەئامانج مگیریا ڕووەمڎا، بەڵام وەرپەرسا حکوومی پێسەو پەرسێوە پێوەس بە کلێسایۆ مامەڵەش چنی مکەرا و وێشا چنەش بە وەرپەرس نمەزانا.