کۊنفڕانسی میاننەتەوەیی ساڵانە بارەی یۊبییەی ئەورووپای، تورکیا، وەرکەوتوو دلێڕاسەی و کورڎی، جە لاو کۊمسیۊنوو یۊبییەی ئەورووپای – تورکیایۊ، (EÛTCC) بە هامکاریی فراکسیۊنوو چەپی، هامپەیمانی ئازاڎی سۊسیال دیموکراتەکا و ئینیستیتوی کورڎی لە بروکسەل-نە بەسیا.

کۊنفڕانسەکە دماو دوۍ ڕوا دماییش ئاما و ئەنجامنامەکەش ئەرەیاونیا.

یاڎوو قوربانییاو بوومەلەرزەکەی کریاوە

جە ئەنجامنامەکەنە باسوو ئانەیە کریا، کۊنفڕانسوو ٨ -٩ و ئازاری بەسەرکەوتەیی دماییش ئاما.

حەرپاسە جە ئەنجامنامەکەنە ئامان:  ئەوەڵوو مانگەو شوباتینە بوومەلەرزێوە وێرانکەر تورکیا، کورڎسان و سووریانە کەوت. شارەکۍ وێرانۍ بیۍ و بە دەیان هەزار کەسۍ مەرڎۍ.

کۊنفڕانسوو EÛTCC  یاڎوو قوربانیییەکاش کەرڎۊ، داواش وەنەو تورکیای کەرڎە زووتەرین وەختنە هجوومەکاش پەی سەروو سووریای مرڎنۊ، گەمارۊو سەروو هامکارییە ئینسانییەکا پەی خەڵکوو سووریای ور گێرۊ.

پێویسا ئاویربەس دووەلایەنە بۊ

قەراروو بێچالاکیی سەروازی، کە بۊنەو بوومەلەرزەکەیۊ لاو "پەکەکە"یۊ ئەرەیاونیابۍ، پێویسا دووەلایەنە بۊ، بێچالاکیی سەروازی و زەرەروو بوومەلەرزەکەی بەتەنیا ئەنجام نییا، جە هەمان وەختنە پەی چەنەپڕنای هەژموونوو دەوڵەتی ١٠٠ ساڵەو کۊماروو تورکیای و پێکئارڎەی کۊماری دیموکراتی هەلێوە گەورێنە.

پێویسا وەراوەروو وستەیرەی هەدەپەیۊ هەڵوێسێوە ڕۊشن و ئاشكرا بۊ

کۊنفڕانسی EÛTCC پەی یۊبییەی دیموکراسی، ئاشتی و  جە دژوو قەڎەغەکەرڎەی پارتی دیموکراتوو گەلا (هەدەپە)ی، داواش جە  ئۊپۊزسیۊنی کەرڎە، پێویسا گلێرگەی میانودەوڵەتی و بەتایبەتییچ یۊبییەی ئەورووپای و کۊنسەو ئەورووپای، جە حیچ بارودۊخێوەنە وستەیرەی دووەم پارتوو ئۊپۊزسیۊنوو تورکیای قبووڵ نەکەرا.

پێویسا گۊشەگیری دماییش بێ

پێویسا بەرەکاو زیندانوو ئیمڕالی کریاوە. یۊبییەی ئەورووپای، کۊنسەو ئەورووپای و بەتایبەتی "سی پی تی" پێویسا پەی دماییئارڎەی بە ناداڎپەروەریی ئیـمڕاڵی، چەمپەنەکەوتەی پارێزەرا گردوو میکانیزمەکا بەکار بارا.

کۊنفڕانسی EÛTCC پەی چارەسەرێوە هەقەتینی، داواو ئازاڎکەرڎەی "عەبدوڵڵا ئۊجەلان"ی و سەرجەنۊ دەسپەنەکەرڎەیۊ دیالۊگوو بەینوو دەوڵەتوو تورکی و پەکەکەی کەرۊ.

پێویسا وێڕاوەبەریی سەرنیشت و وەرکەوتوو سووریای بەڕسمی بشناسیۊ

ئی دیالۊگە هەمان وەختنە پەی دماڕۊو سووریای و وەرکەوتوو دلێڕاسەی گرنگا. جە ڕووەو گلێرگەی میاندەوڵەتییوە، بەڕسمیئشناسای وێڕاوەبەریی سەرنیشت و وەرکەوتوو سووریای هەنگامێوە گرنگەنە. کۊنفڕانسوو EÛTCC ئاماژەش بە ئەرکوو دەوڵەتا پەی گێڵنایۊ داعشە گیریایەکا و داڎگاییکەرڎەیشا کەرد.

مرڎنای هجووموو درۊنەکا

پێویسا گەشمەرڎەکەرڎەی سیاسەتمەداراو کورڎی و بەتایبەت ژەنی پانیشتوو کورڎسانینە و هەم سەرنیشتیچنە و وەرکەوتوو سووریایچنە، بە تەیارەی بێتەیارەوان (درۊن) بۊ بایسوو داڎگاییکەرڎەی.

دەوڵەتۍ فرۍ هەنۍ کە هجووموو وەراوەروو ئێزدییەکاشا پێسە جینۊسایدی قبووڵ کەرڎەن، پێویسا یۊبییەی ئەورووپای گرد میکانیزمێوە دیپلۊماسی و سیاسیی وێش، پەی ڕاگێریکەرڎەی جە هجووموو درۊنەکاو دەوڵەتوو تورکی دژوو ئێزدییەکا بەکار بارۊ. جە گرد دۊخێوەنە ئێزدییەکۍ ڕووبەڕووۍ ئەنجاموو جینۊسایدوو ٢٠١٤ باوە.

پێویسا لێکۊلینەوە لە بەکارهێنانی چەکی کیمیایی بکرێت

کۊنفڕانسوو EÛTCC داواش جە لە نەتەوە یۊگێرتەکا، رێکوزیاو قەڎەغەکەرڎەی چەکی کیمیاوی و داڎگاو داڎوو میاندەوڵەتیی (لاهای) کەرڎە، هەرمانە سەروو تاوانەکاو جەنگوو دەوڵەتوو تورکی بکەرا و چەنەکۊڵیایۊیۍ سەربەوۍ دەس پەنە کەرا.

پێویسا پەکەکە دلۍ لیستوو تیرۊرینە بەر بێ

یۊبییەی ئەورووپای و ئەورووپا وەرپەرسێنۍ جە پەیمانوو "لۊزان"ی کە ١٠٠ ساڵۍ چێوەڵتەر ئیمزا کریا، کۊنفڕانسوو EÛTCC داواش جە یۊبییەی ئەورووپای و دەزگا و دەوڵەتاو ئەورووپای کەرڎە، کە پەی ڕاگێریکەرڎەی جە جەنگوو دژوو کورڎی، ڕاوشۊنی پێویس گێرانە وەر.

هەمان وەختنە ئی داواکارییە جە چوارچووەو وێنیشاندایەکاو ئێرانی و دروشموو "ژەنی، ژیوای، ئازاڎی' کە جە سەرانسەروو دنیێرە وەلا بییەنۊ، یاگۍ وێشا گێرا.

کۊنفڕانسوو EÛTCC پەشتگیریی جە گەلاو ئێرانین کەرۊ، کە دژوو دەسەڵاتوو زاڵۍ ئەرەپڕێنۍ.

EÛTCC داوا جە گلێرگەی میاننەتەوەیی کەرۊ، کە بۍ شرۊڤە درووشمەکەی قبووڵ کەرۊ.

س.ز