ئەنجومەنوو بنەیانەو گەشمەرڎا کانتۆنوو عەفرین-شەهبای ئەرەیاۋناش، نیگەرانیەکێشا سەروو ئاژەو تەندروستی و سڵامەتی رابەروو گەلوو کوردی عەبدووڵا ئۆجالانی زیاڎشا کەردەن و داواش کەردە، دەموودەس گۆشەگیری هۊرگیریۆ.
ئەنجومەنوو بنەیانەو گەشمەرڎا کانتۆنوو عەفرین- شەهبای جە بارەو گۆشەگیری ئیمراڵیۆ جە ڕاو کۆنفڕانسێوە ڕۊنامەوانیوە نیگەرانیەکێش بەربڕیۍ.
جە ئەرەیاۋناو کۆنفڕانسە رۆنامەوانیەکەینە، بومەلەرزەکۍ ئی دماییەو مەنتیقەکا نزیک بە ئیمراڵی ویر وزیێوە، کە سەرەڕاو گۆشەگیری ڕووەدای بومەلەرزەکا نیگەرانیەکۍ ئاڎیشا جە بارەو سڵامەتی و تەندروستی رابەروو گەلوو کوردی عەبدوڵا ئۆجالانیۆ زیاڎۍ بیێنۍ.
جە ئەرەیاۋناکەینە ڕفتارۍ و مامەڵە هەڕەمەکیەکۍ حکومەتوو ئاکەپە-مەهەپەی بە تنی شەرمەزار کریێنۍ و ناڕەزایەتی ۋەران ۋەر بە بێدەنگی رێکوزیا میان نەتەوەییەکا مافەکا مرۆڤی نیشانەدریان.
ئەنجومەنوو گەشمەرڎا بنەیانەو کانتۆنوو عەفرین- شەهبای داواش جە رێکوزیا و هێزە میان نەتەوەییە پەیوەندیدارەکا کەردە کە فشار جە دەوڵەتوو تورکی کەرا پۍ ئانەی دمایی بە گۆشەگیری بارا.
حەرپاسە داوا جە گەلا ئاشتیوازی و تەرەفڎارا ئازاڎیی جەهانی کریا کە پەی ئازاڎیی جەسڎەیی رابەروو گەلوو کوردی عەبدوڵا ئۆجالانی دەس بە کۊشیای کەرا.
