مییانو ئەرەیاوناو یەپەژەی بە ئەرەیاونێوە ئاماژەش پانەیەدا جە بەنداو تشرینینە جەنگاوەرەکێشا جە ٧و ئادارینە جە دژو چەتەکا چن چالاکیێشا ئەنجام دێ.

ئەرەیاوناکەینە ئاماژە پانەیە کریان جە قۆڵو بەنداو تشرینینە جە دەگاو قەشلی نزیک تەپۆڵکەو سریتەلی، سەعات ٤و سەر سەعبی کاتێ گروپێوە چەتێ یانێوەنە بێنی، ئەڵغامێوە تەقاوە و جە ئەنجامەنە ٦ چەتێ کوشیێ.

هەرپاسە وچیا: "سەعات ١و نیمەڕۆی کە چالاکییێ سابۆتاژ جە دژو چەتەکانە ئەنجام دریا. چا چالاکییەنە ماتۆڕو چەتەکا بە ئامانج گیریا و ٢ چەتێش کوشیێ. کاتێ چەتەکێ گەرەکشا بێ کوشییاکەیشا وینا، تڕۆمبێلەکەشا جە لایەنو یەکینەکاماوە کریا ئامانج.

سەعات ٣ یەکینەکێ گەشمەرڏە ڕوناهی یەکتا جە تڕۆمبێلو چەتەکاشا دا و چاکەیچ ٢ چەتێ کوشیێ.

بە گرڏی چا چالاکییانە ١٠ چەتێ ئەرەگیرێ کوشیێ و ٣ چەتێ تەرێچ زامڏارێ بیی".

دماین و ئەرەیاوناکەینە وچیا: "پێسەو یەپەژەی ئەرەیاونمێنەش بە فەلسەفەو 'ژەنی، ژیوای، ئازادی' و ڕۆحو مڏرامانو ٨و ئاداری، جە دژو گرڏ جۆرە ئەرەگیریێ و کۆمکووژیێ و ڕەگەزپەرەستییێ پێ مردای جە ئەوەکۆشایما بەردەوامێ بیمه. سەرو بنەماو پارێزناو ڕەوای، گەلەکەیما و ژەنی پارێزنمینە".