هامسەرۆکۊو گرڎینەو دەم پارتی تولای حاتەم ئۆغۆللاریە شارو وانینە جە گلېرۊبیەی دماینە قسێش کەردۍ و ئەرەیاۋناش خاوەنداری جە بانگەوازەکەو ڕابەر ئاپۆی مکەرا و واتش: "ئی بانگەوازە ڕێنیسانسا پەی ژەنا".
جە چوارچێوەو چالاکییەکا ٨ و ئادارینە جە وان بە سەرمەشقایەتی تەژەئای، تولای حاتەم ئۆغۆللاریە قسێش کەردۍ و ناڕەزایش جە ۋەرا ۋەرو زیهنیەتو پیا سالاری دلۍ سیستەمو دادوەری نیشانەدا، هەرپاسە سەرمەشقا ئەوەکۊشای ئازادیی ژەناش یاڎ ئاوردۍ و سڵامش ۋنەو کۊشش و تەڤگەرو ژەنا کوردی کەرڎ.
پەنەوازا ئیدارەو ۋێڕاوەبەری بۆ بە مۆدێلێوە پەی ۋەرکۊتوو مېیامینی
تولای حاتەم ئۆغۆللاریە ناڕەزایش بەربڕی ۋەرا ۋەر بە کۆمکوژی سەرو عەلەوییەکا و هرووژمەکا سەرو ۋەرنیشتی، واتش: "ئیدارەو ۋێڕاوەبەری چا ئەرەمەرزیا، مشۊم بۆ بە مۆدێلێوە پەی تەمامو ۋەرکۊتوو مېیامینی. جە کاتێنە جەنگ سەخت بیەن، ئێژا عەبدوڵا ئۆجالان مۆرەو ۋێش جە هەنگامېوە تاریخیێ دا. جە بانگەوازو "ئاشتی و گلېرگەی دیموکراتیک"ینە ئێژا ئۆجالان ڕاو دژو جەنگی نیشانە مڎۆ. پەی ئانەی پرسو کوردی جە تورکیا سەر زەمینێوە دیموکراتیک و ئاشتییانەنە چارەسەر بکریۆ، پەیامێکی دا. چێوە پێوەرە ماچمۍ، "بانگەوازەکەو ئێژا ئۆجالانی سەرو چەماماوە منیەیمېرە". ئی بانگەوازە ڕێنیسانسا پەی ژەنا".
دماتەر گرووپو ژن مای لوۍ سەرو ستەیجی و هونەرو ۋێشا پێشکەش کەرڎ.
