ئەندامەو شاندو ئیمراڵی پەروین بوڵدانە جە گلېرۊبیەی دماینو وانینە قسێش کەرڎۍ و واتش: "ئێژا ئۆجالان سڵامی تایبەتش پەی ئەڎایا ئاشتی و گەلوو وانی کیاست. واتش: "من ڕێز جە ئیرادەو هەر ١٤ شارەوانییە بەدەسئامایەکا گێروونە ".
بۊنەو ٨ و ئاداری ڕۊو جەهانیی ژەناوە جە وان بە سەرمەشقایەتی تەڤگەرو ژەنا ئازادی (تەژەئا) بە درووشمۊو " جە ۋەرا ۋەر بە قڕکەردەی ژەنانە ئەرەپڕمۍ، بەرەو ئازادی ڕاپیمای مکەرمۍ'' گلېرۊبیەی دماین ئەنجام دریا. ئەندامۊو شاندو ئیمراڵی دەم پارتی پەروین بوڵدانە قسێشلەردێ پەروین بوڵدانە ٨ و ئاداریش جە زەنا پیرۆز کەرڎ، ئەرەیاۋناش ئی ٨ و ئاداریە جیاوازا و هۊرسەنگنای ڕابەر ئاپۆی دەربارەو ژەنا ئی ٨ و ئاداریشە نەخشنا، ئەرەیاۋناش "بانگەوازو ئاشتی و دیموکراتیک"ـی ڕابەر ئاپۆی جە ٢٧ و شوباتی هامکات پەی ژەنا و جوانا بۍ، پۊکەی پەنەوازا گرڎما خاوەنداریش ۋنە بکەرمۍ، واتش: "چی بانگەوازەنە فرەتەرین چەمەڕایی جە ژەنا مکریۆ. چونکی جە ئەڎابیەیۆیێن پەی ژەنا. پۊکەی مشۆم خاوەنداری چی بانگەوازیە بکەرا. پەنەوازا یۆ گێرمۍ و خاوەنداری جە پرۆسەکەی بکەرمۍ".
پەروین بوڵدانە جەختش کەردۆ نمەبۆ کەس هەوڵو شێونای پرۆسەکەی بڎۆ، تەئکیدش کەرڎۆ ڕاو سیاسەتو دیموکراتیکی بە دەسسەرەرەگێرتەی ئیرادەو شارێوە بەدی نمۍ، واتش: "گرڎ مشۊم پی هەستیارییوە جماوە. چەمەڕایما هەن و مشۊم بەپاو ئی چەمەڕاییا هەنگامە بنریۆ. پەنەوازا یاسا مجیۆرە و چوارچێوێوەش پەی وەش بکریۆ، ڕیفۆرم بکریۆ و جە ڕاو چن قەرارێوە پرۆسەکە مسۆگەر بکریۆ. هەستیاریێوە چامنە هەن. پەی بەدیئامای ئاشتی و گلېرگەی دیموکراتیکی. ئی هەنگامۍ فرە گرنگێنۍ".
هەرپاسە ئاماژەش پانەی کەرڎ ڕابەر ئاپۆ پەیامێوە تایبەتش پەی ئەڎایا ئاشتی و گەلوو وانی کیاستەن، واتش: " ئێژا ئۆجالان سڵامی تایبەتش پەی ئەڎایا ئاشتی و گەلوو وانی کیاست. واتش: "من ڕێز جە ئیرادەو هەر ١٤ شارەوانییە بەدەسئامایەکا گێروونە".
پەروین بوڵدانە جەختش کەردۆ مشۊم قەیوم سەرو شارەوانییەکاوە لا بریۆ و شارەوانییەکۍ ڕادەسو ئیرادەو گەلی بکریاوە، ئینە ئیسفاڎە بە پرۆسەکەی مېیاونۆ، واتش: "ئازاڎ بیەی هەڤاڵاما فیگەن یوکسەکداغە و سەڵاحەدین دەمیرتاش و بەکر کایا و هەڤاڵا تەری، پەی پرۆسەکەی بە ئیسفاڎەن. پەنەوازا هەستیاری و چەمەڕاییەکۍ گەلوو کوردی ۋەرچەم بگیریۆ".
هەرپاسە تەئکیدش کەرڎۆ مشۊم دڎان بە زۋان و شناسنامەو کوردیرە بنریۆ، وە مشۊم گرڎ خاوەنداری جە پرۆسەکەی بکەرا، واتش: "ئێمەی کورد و تورک ناچارێنمۍ دەس وزمۍ دەسو یۊی. ناچارێنمۍ پەشتیوانی ئێژا ئۆجالانی بکەرمۍ. ناچارێنمۍ ئی پرۆسەیە بیاونمۍ بە قۆناغو ئاشتی. ئی هومێڎەما بە گەلوو وانی هەن. با کەس گومانش نەبۆ، مشۊم گرڎ کەسۍ بزانۆ ئێژا ئۆجالان غەڵەت نمەکەرۆ، مشۆم گرڎ ئێژا ئۆجالانی عال بشناسا".
