یەکینەکاو پارێزنای ژەنێ (یەپەژە)  بەینوو ٣٠ی حوزەیرانینە و ٢ێ تەموزینە بە بەشداریی ١١٥ ئەنداما جە کورد، عەرەب، ئاسور، تورکمان و ئەنتەرناسیۆنالیست بە دروشموو ' بە هێزوو ژەنێ ئازادێوە شۆڕشوو ژەنی و وەڵاتی بپارێزندێ، ئازادیی ڕابەر ئاپۆی مسۆگەر بکەرمێ' کۆنفرانسی ٤ەمینوو وێش بەست. دەربارەو هەرمانەکاو کۆنفرانسەکەی، یەپەژە ئەرەیاوناێوەش وەڵا کەردۆ.

ئەوەڵوو ئەرەیاونایەکەینە ئامان: "ئێمە ٤ەمین کۆنفرانسوو یەپەژەیما بەینوو٣٠ی  حوزەیرانینە و ٢ێ تەموزینە بە بەشداریی نوێنەراو مەیدانەکاو خەباتیما و نوێنەراو تەڤگەروو ئازادیی ژەنێ بەست. بە ئامادەبییەی ١١٥ ئەنداما جە کورد، عەرەب، ئاسور، تورکمان و ئەنتەرناسیۆنالیستا بە دروشموو ' بە هێزوو ژەنێ ئازاڎێ شۆڕشوو ژەنێ و وەڵاتی بپارێزندێ، ئازاڎیی ڕابەر ئاپۆی مسۆگەربکەرمۍ' ئەنجامدریا. کۆنفراسەکەما ئاستێوە بەرزی بە جۆش و مۆراڵ و بڕیارداریش نیشانەدا. ڕوانگەو ڕابەرایەتی، پەیمانەکاو ژڵېوەو ژەنا، ئاژەی سیاسی-سەروازی، سەر جە نۆ بنیاڎنیایۆ، هرووژمەکۍ سەرو گەلی شۆڕشگێڵنی و پلانسازییەکاو ئاینڎەی بە شێوێوە ۋەرفراوان هۊرسەنگنایشا پەی کریا و  کۆنفرانسەکەما بە شێوێوە سەرکۊتانە بە ئەنجام یاوا.

بەستەی کۆنفڕانسەکەیما جە ساڵیاڎوو گەشمەرڎەبیەی زیلانۍ-زەینەب کناجی  نیشانۍ پاگیریمانە جە جابەجێکەردەی پرەنسیپەکا ئازاڎیی ژەنا و لوای جە هێڵۊو مڎرامانی و فیدایەتی کە جە کەسایەتی زیلانېنە بەرجەسە بیەن. پینەیچ جارێوەتەر ئەرەیاۋنمێش کە میراتی هەڤاڵ زیلانۍ مبۆ بە ڕانیشاندەرەو هەنگاما بەرەو ئازاڎیی و سەرکەوتەی.

'یەپەژە دەسکەوتەکا ژەنا و گەلا هەرێمەکەی پارێزنۆ'

جە کۆنفرانسەکەمانە سیاسەتوو ئەشکەنجەی و گۆشەگیری کە جە دژوو ڕابەر ئاپۆی بریۆڕاوە بە شێوێوە ۋەرفراوان هۊرسەنگیۍ. پەی ماڕای ئی گۆشگیرییە، یەپەژە گرڎوو هێزو ۋێش سەفەربەر بکەرۆ و سەرمەشقایەتی هەڵمەتەو ئازاڎیی جەستەیی پەی ڕابەر ئاپۆی بکەرۆ. سەرو ئی ئەساسیە کۆنفرانسی ٤ەمینما دیاری ڕابەر ئاپۆی مکەرمۍ و سڵام جە مڎرامانەکا گەریلای مکەرمۍ و بەستەی کۆنفرانسەکەیما جە گرڎوو ژەنا پیرۆز مکەرمۍ.

جە کۆنفرانسەکەنە جە گرڎ ڕوانگېوە ئاژەی سیاسی و سەروازی هۊرسەنگیا. هێزە هەژموونوازەکۍ هەوڵ مڎا قەیران بە قەیران چارەسەربکەرا و جیای سیاسەتوو دیالۆگی و چارەسەری ڕێبازی سەروازی بە بنەما مگېرا. جە کۆنفرانسەکەمانە ئانەما دیاریکەرد هەر نزیکایەتیۍ و هامپەیمانێتیێوە هێزە هەرێمی  ومېیاننەتەوەییەکا گەر جە مەسڵەحەتوو گەلا هەرێمەکەی و ژەنانە نەبۆ بە هیچ جۊرۍ قبوڵ نمەکریۆ، گرنگ نیا چېش ڕووەمڎۆ، یەپەژە دەسکۊتەکا ژەنا و گەلا هەرێمەکەی پارێزنۆ."

جە درێژەو ئەرەیاۋناکەینە ئامان پېسە یەپەژەی جە گرڎوو ڕووەکاوە هۊرسەنگنای پەی پێشئامایە تازەکا کریان و پی جۆرە بەردەوام بۍ: "هامکات چنی گرڎوو ئی پێشئامایا، کۆنفرانسەکەما پرۆسەو ٢ ساڵی ۋییەرڎەیش جە ڕوو ئایدۆلۆژیای و ڕێکوستەیۆ هۊرسەنگنا. ئا ناتەمامیۍ و لاوازیۍ کە جە پراکتیکەنە ئەزموون کریێنۍ، بە وردی باس کریۍ و ڕەخنەدایۍ قەوەت پەرەش پنەدریا. پەی جابەجێکەرڎەی ڕێبازێوە تازەی حەرپاسە پەی ئەنەیاوای بە ئاستێوە بەرزتەری جە کۊششی جە جەنگ و تەجرووبەنە بڕیارو سەرجەنۆ ئەرەمەرزنایۆ  یەپەژەی دریا. سەرو ئا بنەمایۍ بڕیاردریا کە ناوەڼو پارېزنای ژەنا جە سەرنیشت و ۋەرکۊتوو سوریای پەرە بە دەزگایی بیەیش بڎۆ و ئاستوو ڕێکوستەی ۋێش بەرز بکەرۆوە."

 جە دمادمایی ئەرەیاۋناکەینە ئاماژە پانەی کریان پېسە یەپەژەی ئاماڎەکاری پەی ۋەرپرسیاری هۊرگێرتەی ئەرکەکاو ئاینڎەی هەن و ماچۆ: "پېسە یەکینەکاو پارېزنای ژەنا پېسە چنی داعشما ماڕا، بە پلەی یوەم دەوڵەتو فاشیستی تورکی و پەدەکەی گرڎ هامبەشېنۍ جە جەنگوو قڕکەردەی گەلانە، بەتنی جە دژوو گرڎ جۆرە هرووژمېوە پەی سەرو هەرێمەکەیما جواب مڎەیمېوە و بە هېزوو ۋێما سەرمەشقایەتی مکەرمۍ. پەی بنیاڎنیای سوریایۍ دیموکراتیکی و ۋەرکۊتوو مېیامینی دیموکراتیکی، ئەرکو پارېزنای ۋێما چالاکانە جابەجێ مکەرمۍ."