یەکینەکۍ پارێزنای ژەنۍ (یەپەژە)ی بۆنەو دووەمین ساڵوەگەڕو شۆڕشو سەرهۊرداو 'ژەنی، ژیۋای، ئازاڎیی'وە ئەرەیاۋنێوەش وەڵا کەرڎۆ و جە کەسایەتیی ژینا ئەمینیێنە گرڎوو گەشمەرڎا شۆڕشو سەرهۊرداو 'ژەنی، ژیۋای، ئازاڎیی'ش یاڎۍ کەردێوە و واتش: "ژەنی کوردۍ جە ئەرەکۊشای ٥٠ ساڵەینە چڼین دەسکۊتۍ گرنگێش پەی ژەنا بەدەسئارڎێنۍ. یۆ جە مېڎانەکا ئەرەکۊشای ڕابەر ئاپۆی ئەرەکۊشاین جە دژوو عەقڵیەتو پیا سالاری، سەرو ئا بنەمایۍ ژەنی بە ئایدۆلۆجیاو ژەنێوە بیە بە خاوەنو ئایدۆلۆجیای، ڕێکوستەی، هێزو پارېزنای، سیستەمو هامسەرۆکایەتی و زانستو ژنۆلۆژی."

'ژەنا کورڎی و ئێرانی دەیان ساڵێن ئینۍ ئەرەکۊشاینە'

جە بەردەوامی ئەرەیاۋناکەینە باس جە ئەرەکۊشای هامبەشو ژەنا جە دژو سیستەمو پیا سالاری ڕژێمو ئێرانی مکەرۆ و ئامان: "جە گرڎو مېڎانەکا ژیۋاینە ژەنی ئینۍ دلۍ ئەرەکۊشای هامبەشینە. دژو ئینەیچ ڕژێمو پیاسالاری ئێرانی بێ ئۆقرەبیەن و بە تنتەرین شێوە جواب مڎۆوە."

"شۆڕشو 'ژەنی، ژیۋای، ئازاڎیی' تا بەدەسئارڎەی مەرامەکاش بەردەوام مبۆ."

جە درێژەو ئەرەیاۋناکەینە ئاماژە پانەی مکەرۆ کە گەشمەرڎەکەرڎەو ژینا ئەمینیۍ بی بە مەڵامەتو سەرهۊرداو شۆڕشەکەی و ماچۆ: "ڕژێمو ئێرانی بە تنی دژو سەرهۊرداکەی مرداوە و بەدەیان کەسۍ کوشیۍ و هەزارانیچ وزیۍ دلۍ زینانەکا. سەرەڕاو ئانەیچ ئینۍ گرڎ ماناو ئانەی نمەبەخشا کە ناڕەزایی گەلی ۋەرا ۋەر پا ڕژێمە دژە-دیموکراتیکەیە دمایش ئامان. بە پێچەوانۆ شۆڕشو 'ژەنی، ژیۋای، ئازاڎیی'تا بەدەسئاوردەو مەرامەکاش بەردەوام مبۆ."

جە دمادمایی ئەرەیاۋناکەینە داواو بەردەوام بیەی و پاڵپەشتی جە شۆڕشەکەی مکەرۆ و ئامان: "پېسە یەپەژەی جە دژو سیستەمی، زهنیەتی و هرووژمەکا دەسەڵاتو پیاسالاری بە ئیراڎەو جەوهەری ژەنێوە ئەرەکۊشای پارێزنای مکەرمۍ. ئەرەکۊشای ژەنا جە گرڎ شۆنۍ دنیێنە یۆن و دەرەنجام پەی ئازاڎی ژەنێن. پەشتگیری ۋێما پەی ئەرەکۊشای ژەنا جە ۋەرکۊتوو کورڎەسانی و گرڎو جەهانی بەربڕمۍ."