مانگەو کانوونوو یووەمیوە چنڎین پەلامارۍ ژەعراویۍ دریێنۍ. بەپاو  قسۍ ڕسمییەو "بڕۍ کەسا" گەرەکشانە پی پەلامارا مەکتەبوو کناچا وزارە. پێسە گرڎوو قۊمیایەکای تەری حوکمەت "هێزە جبەرییەکێش" بە وەرپەرس زانۍ و ئۊپۊزیسیۊنیچ ماچا، دەوڵەت چا پەلامارا وەرپەرسا.

بە پاو میدیاکاو مەنتێقەکەی و سەرچەمەکاو ئۊپۊزسیۊنی، زیاڎتەر جە ٥ هەزار تەلەبە کناچا چا پەلامارە گازییانە ژەعراویۍ بیێنۍ و بە لانی کەمۊ ٤ تەلەبۍ مەرڎێنی. جە کۊو ٣١ پارێزگایانە بە لانی کەمۊ جە ٢٥ پارێزگایانە ٢٣٠ مەکتەبۍ پەلامارەی چانۍ کریێنە سەرشا.

تەنیا  ٧وو ئازارینە ئێران و وەرکەوتوو کورڎسانینە، بەلایەنی کەمۊ پەلامارەی گازییە کریێنە سەروو ٥٠ مەکتەبا و تەلەبە کناچا. هاموەخت هەمان ڕۊنە دەیان شارێنە چالاکیی ناڕەزایەتی کریان. هێزەکاو دەوڵەتی  چنڎین شۊنێنە پەلامارەو چالاکاشا دێنە.

چەمەڕوان کریۊ چالاکییەکۍ جە ٨وو مارسی ڕۊو جیهانیی ژەنە زەحمەتکێشانە چالاکییە ناڕەزایەتییەکۍ زیاڎتەرۍ با.

س.ز