بە پاو ئا زانیاریا جە هەرێمەکۆ هۊرگیریێنۍ، دۊڵەتو تورکی ئەرەگیری و چەتەکێش جە هرووژم کەردەی پەی سەرو تل تەمری و دەگایەکاش بەردەواما.

سوپاو تورکی ئەرەگیری و چەتەکێش شارو تل تەمرینە کەلێوە ئاژەڵداری و وێستگێوە کارەبا و دەگاو ئەل کێفیش بۊمبواران کەرڎ. هەرپاسە جە درێژەو هرووژمەکاشەنە دەگایەکا عەبوش، شێخ عەلی، مسلەتا، قبور ئەل قەرجینا، ئوم ئەل خێر و خوێتلاو سەرنیشتوو شارەکەی بۊمبواران مکەرۆ.

هەرپاسە دەگایەکا تل کێفجی، تل کربێت، باب ئەل خێر، تل جوعام، گۆزەلیە، تل لەبەن، تەویلا، تل تەویل، دەشیشە، سکەر، ئیحمێر و مەحیلی ۋەرنیشتوو شارەکەی بۊمبواران مکەرۆ.