مېیانو ئەرەیاۋنای و چاپەمەنی یەکینەکاو ۋەرکۊتوو کورڎەسانی (یەرەکە) سەبارەت بە هرووژمە ئاسمانییەکا دۆڵەتو ئەرەگیرو تورکی پەی سەرو کەشو ئاسۆسی ئەرەیاۋنێوەش وەڵاکەرڎۆ.

 یەرەکە ئەرەیاۋناش، هرووژمە ئاسمانییەکۍ دۆڵەتو ئەرەگیرو تورکی پەی سەرو کەشو ئاسۆسی هیچ زەرەرێش بە هێزەکاشا نەیاۋنان.

 جە ئەرەیاۋناکەینە ئاماژە پانەی کریان، ١٤و ئەیلولی، فڕۆکە جەنگییەکۍ دۆڵەتو ئەرەگیرو تورکی زنجیرە کەشو ئاسۆسیشا بۆردومانکەرڎەن.

 بە پاو ئەرەیاۋناکەی، بۆردومانەکە ڕۊو ١٤ ئەیلولی سەعات ١٥:١٧دەیەقۍ ئەنجامدریان و جە هرووژمەکەنە هیچ زەرەرۍ ۋەرو هێزەکاو یەرەکەی نەکۆتەن.  هامکات ئاماژە پانەیچ کریان بەمەڵامەتوو بۆردومانەکەیۆ زەرەری ماددی ۋەرو باخی و بویسانەکا ناوچەکەی کۊتەن.