پەنابەری سیاسی خەڵکو سەرنیشتوو کورڎسانی حسێن ئاراسان ٩و حوزەیرانی وەردەمو بیناو رێکوزیاو کرێکارا مێزۆپۆتامیاینە جە سلێمانی بەمەڵامەتو هجومېوە چەکڎاریۊ بە سەختی زامڎاربی.

 دماو ڕوۋېوە مەنەیۊ جە نەوەشخانەنە و سەرەڕاو حۊلو دکتۊرەکا سەرسەعبو ڕۊو ١٠و ئی مانگۍ گەشمەرڎەبی و دماتەر جەنازەکەش بە مەراسیمېوە فاڕیاوە پۍ قەبرسان و گەشمەرڎا جە قەندیل و چاگە ئەسپەرڎە بەخاکی کریا.

جە سلێمانی وەردەمو بیناو رێکوزیاو کرێکارا مێزۆپۆتامیاینە خێمۍ پەرسەی پۍ حسێن ئاراسانی نریېنەرە و سەردای پۍ پەرسەکەی وەردەواما. شاندێوە جە کەمپو پەنابەرا گەشمەرڎە رۆسەم جودی (مەخمور)ی پەی بەشڎاری جە پەرسەکەی سەردای خێمەکېشا کەرڎ. شانڎەکە سەرەوەشیشا جە خانەواڎە و هەڤاڵ حسێن ئاراسانی کەرڎ.

چەمەڕاکریۊ حەتا سەعاڎ ١٧:٠٠ پەرسەو ئاراسانی وەردەوام بۊ.

هـ . ش