سەرو بانگەوازو سەفەربەری ئیدارەو ۋێڕاوەبەری دیموکراتیکی سەرنیشت و ۋەرکۊتوو سووریای چڼین دەگۍ و گەڕەکۍ فوراتی بەشدارۍ سەفەربەری بانە. یۆ چا گەڕەکا گەڕەکەو گەشمەرڎە خەباتکارو شارو کۆبانێنە، کە ئەرەنیشتا گەڕەکەکۍ ئارۆ ئەرەیاۋناشا کە بە ئەرەمەرزنای تابوورو تێکۆشەری بەشدارۍ سەرفەربەری بانە.

ئەرەنیشتۍ گەڕەکۍ بەشداربیەی ۋێشا پەی سەفەربەریی و ئەرەمەرزنای تابووری بە ئەرەیاۋنێوە ئەرەیاۋنا. ئەرەیاۋناکەی جە لایەنو ئەرەنیشتەو گەڕەکێوە ئیسماعیل عەلی ۋنیاوە.

ئەرەنیشتۍ گەڕەکەو خەباتکاری جە ئەرەیاۋناکەیشانە ئاماژەشا بە مڎرامانی جە بەنداوو تشرینی و سردەو قەرەقۆزاقینە کەرد واتشا: "پېسە گەلوو گەڕەکەو گەشمەرڎە خەباتکاری ئەرەیاۋنمێش کە لیواو تێکۆشەریما ئەرەمەرزنان. پەی پارێزنای گەلەکەیما، خاکەکەیما و شارەکەیما سەفەرۍ بیمۍ. قەرزارۍ گەلی و جەنگەوانامانمۍ. سەرو ئی بنەمایۍ بەشدارۍ سەفەربەری بیمۍ و جە هەر کۊنە پەنەواز بکەرۆ پېسە ئەرەنیشتا گەڕەکۍ ئاماڎێنمۍ کە ۋێما پارێزنمۍ.

ئارۊ جە لایەنو جەنگەوانەکاماوە جە بەنداوو تشرینی و سردەو قەرەقۆزاقی مڎرامانێوە کەم وێنە ملۊڕاوە. ئېمەیچ پېسە ئەرەنیشتا گەڕەکەو گەشمەرڎە خەباتکاری پەی گەلەکەیما ئەرەپڕمۍ. بە هێز و ئەوەکۊشایەکاما ئەرەگیرا و چەتەکا دلێنە بەرمۍ".