پەی جوابدایۆ بانگەوازو سەفەربەریی گرڎی ئیدارەو ۋێڕاوەبەری سەرنیشت و ۋەرکۊتوو سوریای و قەسەدەی، ئەرەنیشتا گەڕەکەو غەربی جە شارو قامیشلۆینە ٥ تابوورێشا بە نامەکا گەشمەرڎە جیهان بیلگینۍ و ئاڤزەم چیای و چیا ڕوسی و شڤان ئەحمەدی و بیلال ئەحمەدی ئەرەمەرزنۍ.

تابوورەکۍ بە ئەرەیاۋنێوە بەشداربیەیشا جە هێزەکاو پارێزنای گلێرگەو (هەپەجە)ینە ئەرەیاۋنا، ئەندامەو هەپەجەی لەیلا عەلی-ە جە مېڎانو گەشمەرڎا ١٢ و ئادارینە ئەرەیاۋناکەیش ۋەناوە، چنەشەنە جەختکریاوە پەی پارێزنای دەسکەوتەکا شۆڕشی و پەشتگیری جە مڎرامانو قەسەدەی جە بەنداوو تشرینی، تابوورەکۍ ئەرەمەرزیێنۍ.

هەرپاسە تەئکید کریانۆ پێکئامایەکۍ کورد و عەرەبی و سریانی و ئاشووری و ئەرمەنی گەڕەکەکۍ، هەرێمەکەی جە هرووژمە ئەرەگیریەکا پارێزنا.