کۆردیناسیۆنو کۆنگرە ستاری بۆنەو٢٠ـەمین ساڵوەگەڕو ئەرەمەرزنایشۆ ئەرەیاۋنێوە نویسیاش وەڵاکەردۆ و جە ئەرەیاۋناکەینە سڵامش ۋنەو مڎرامانو جەنگەوانا یەکینەکاو پارێزنای ژەنۍ (یەپەژە)ی جە بەنداوو تشرینی و سردەو قەرەقۆزاقینە کەرد.

جە ئەرەیاۋناکەینە ئاماژە بە مڎرامانەکا ساڵۊو ٢٠٢٤و هەرێمەکا سەرنیشت و ۋەرکۊتوو سووریای و دەسنیشانکریان چا مڎرامانانە قوربانی گۊرە دریان  و ماچۆ: "جە کەسایەتی ڕەمزەکا ئازادی ژەنانە ساکینە جانسزە، فیدان دۆغانە، لەیلا شایلەمەزە، ئەڤین گۆییە، سێڤە، پاکیزە، فاتمە، هەرپاسە گەشمەرڎا مڎرامانوو بەندواو تشرینی سۆزدار جیهادە، جیهان بیلگینە، کەرەم ئەل-حەمیدە، قەمەر، تۆڵڤین شاهین، عەبیر ئەلحوسەین، ڕۆناهی، مزگینە، هەرپاسە جە کەسایەتی قارەمانا و ڕەمزەکا مڎرامانی جەوهەری ژەنانە گەشمەرڎۍ زەینەب سارۆخان، ڕیهان شوێش، یوسرا دەروێش، گولێ سەلمۆ، دیە هۆگر، زەهرا بەرقەل بە پنەزانایۆ گرڎو هەشمەرڎا هەمڕایاما یاڎۍ مکەرمێوە و قەولو سەروستەی ئامانجەکاشا واوەی مکەرمێوە."

جە بەشێوە تەرو ئەرەیاۋناکەینە دەسنیشانکریان کۆنگرە ستار جە ماوەو ٢٠ ساڵا ئەرەمەرزنایشەنە ئەوەکۊشایش جە دژو هۆشمەندی نەتەوەپەرسی، ئاینپەرسی، ڕەگەزپەرسی و ئەرەگیری جە سەدەو ٢١ینە بە تێگەو بیەی و جەنگو گەلی شۆڕشگێڵنیی ۋێپارێزنایۆ ڕاوەبەر کەردەن و بە بروسکەو شۆڕشو ١٩و تەمووزیوە دەسکەوتەکا شۆرشی پارێزنا و پەی تەمامو ژەنا سەرنیشت و ۋەرکۊتوو سووریای بیەن بە یاگۍ هیوای.

هەر جە ئەرەیاۋناکەینە ئامان: "چی قۆناغە تاریخیێنە بەیدۍ پێوەرە دەسکەوتەکا شۆڕشی پارێزنمۍ و پەی ئینەیچ ماچمۍ نەخێر پەی تنڕەوی ئاین پارێزی و بەڵۍ پەی ژەنی ژیۋای ئازادی. ئەرەمەرزنای سووریایۍ ئازاد و دیموکراتیکی پلانەی بنەڕەتییەمانە."

جە دما دمایی ئەرەیاۋناکەینە داوا جە تەمامو ژەنا پەی ئەرەکۊشای کریان و ماچۆ: "داوا جە گرڎو واڵەکاما جە سووریانە مکەرمۍ پەی دەسوستەی ئامانجەکاما بیمۍ بە یۊ و مۆدێلێوە پەی ئازادی نەوەکاما بنیاڎ بنیەیمۍ."