وەڵێ گێڵایۆ ترەمپینە کۆریای سەرنیشت موشەکێوە بالیستش تاقیکەردۊ
کۆریای سەرنیشت حەفتێوە وەڵێ دەسبەکاربییەی دۆناڵد ترەمپی پێسەو سەرۆکو ئەمریکای چن موشەکێوە بالیستیش تاقیکەردێوە.
سەرۆکایەتی ئەرکانو گرڏی کۆریاو پانیشتی ئەرەیاوناش، موشەکەکێ سەعات ٠٩:٣٠ بە کاتو هەرێمەکەی هۆردریێنێ و وەڵێ ئانەی گنا بەحر مەوداو ٢٥٠ کیلۆمەتریشا بڕییەن. موشەکەکێ کە جە بەحرو ژاپۆنی (بەحرو وەرکەوتی) کەوتێنێرە وار، بییەن بە مەڵامەتو زیا بییەو گرژی و ئاڵۆزی جە هەرێمەکەینە.
سەرۆکو کۆریاو پانیشتی بە وەکالەت، چۆی سانگ-مۆک هوردای موشەکەکاش شەرمەزار کەرد و دەستنیشانشکەرد کە ئامانج جا هەرمانا ئاژاوەگێڵنی کۆریاو سەرنیشتوو پاشلکەردەو قەرارەکاو ئەنجومەنو ئاسایشو نەتەوە یۆگێرتەکا.
چۆی واتش: "سیئۆل بە هەڵوێسێوە بەهێزو ئەمنی و سەرو بناغەو هامپەیمانێوە چنی ئەمریکای بە قەراردای جوابو ئی ئاژاوەگێڵیە مرۆوە."
بە پاو ئاژانسو فرانس پرێسی، سەرۆکو زانکۆی توێژینەوەکێ تایبەت بە کۆریاو سەرنیشتی جە سیئۆل یانگ موو جین، ئەرەیاونانش ئی تاقیکەردەیۆ موشەکییە پەی فشار وستەی سەرو ئەمریکاین وەڵێ دەسپنەکەردەو دەو تازەی سەرۆکایەتی دۆناڵد ترەمپی.
